13:04 September 17
చెప్పేది ఒకటి, చేసేది ఒకటి
భారత్‌-చైనా సరిహద్దుల్లో తాజా పరిస్థితులపై కేంద్ర రక్షణశాఖ మంత్రి రాజ్నాథ్సింగ్ రాజ్యసభలో కీలక ప్రకటన చేశారు. 1988 తర్వాత భారత్‌, చైనాలు అనేక ఒప్పందాలు చేసుకున్నాయని తెలిపారు. చైనా చెప్పేదొకటి, చేసేదొకటని ఆయన అభిప్రాయపడ్డారు. సరిహద్దు ఒప్పందాలను ఉల్లంఘించడమే ఇందుకు నిదర్శనమని రాజ్నాథ్ సింగ్ తెలిపారు. ఇది మంచి పద్దతి కాదని ఆయన చైనాకు హితవు పలికారు.
1962లో లద్దాఖ్‌లో చైనా 38వేల చదరపు కి.మీ మేర ఆక్రమించిందని స్పష్టంచేశారు రాజ్నాథ్. అదే సమయంలో పాకిస్థాన్‌ నుంచి 5వేల చ.కి.మీ భూమిని తీసుకొందని పేర్కొన్నారు. అరుణాచల్‌ప్రదేశ్‌లోని వేల చ.కి.మీ భూభాగం తనదని చైనా వాదిస్తోందని అన్నారు. అయితే, ప్రస్తుతం లద్దాఖ్‌లో అనేక అభివృద్ధి పనులు జరుగుతున్నాయని రక్షణమంత్రి రాజ్నాథ్ రాజ్యసభకు తెలియజేశారు.
12:32 September 17
'ఎలాంటి పరిస్థితినైనా ఎదుర్కోవడానికి సైన్యం సిద్ధం'
భారత్‌-చైనా సరిహద్దు వివాదంపై రాజ్యసభలో రాజ్నాథ్ ప్రకటన
