ఐఎన్ఎక్స్ మీడియా కేసులో అరెస్ట్ అయిన కేంద్ర మాజీ మంత్రి పి. చిదంబరానికి దిల్లీ కోర్టులో చుక్కెదురైంది. రెండు రోజుల సీబీఐ కస్టడీ ముగిసిన అనంతరం దర్యాప్తు అధికారులు ఇవాళ ఆయన్ను దిల్లీ రోజ్ అవెన్యూ కోర్టులో హాజరుపర్చారు.
న్యాయమూర్తి అజయ్‌ కుమార్‌ కుహర్‌ చిదంబరానికి ఈనెల 19 వరకూ 14 రోజుల జ్యుడీషియల్‌ కస్టడీ విధించారు. చిదంబరాన్ని అధికారులు తీహార్ జైలుకు పంపనున్నారు. అవసరమైన మందులు తీసుకెళ్లేందుకు కోర్టు అనుమతించింది. ఆయనకు జెడ్ కేటగిరీ రక్షణ ఉన్నందున జైలులో ప్రత్యేక గదిలో ఉంచాలని ఈడీని కోర్టు ఆదేశించింది.
జైలులో చిదంబరానికి సరైన రక్షణ ఉంటుందని సొలిసిటర్ జనరల్ తుషార్ మెహతా కోర్టుకు నివేదించారు. అయితే మనీలాండరింగ్ కేసులో చిదంబరం సరండర్ అవుతారంటూ ఆయన తరఫు న్యాయవాదులు పిటిషన్ దాఖలు చేశారు. ఈ పిటిషన్పై కోర్టు ఈడీకి నోటీసు ఇచ్చింది.
కేంద్ర మాజీ మంత్రి పి.చిదంబరం గత నెల 21 నుంచి 15 రోజులపాటు సీబీఐ కస్టడీలో ఉన్నారు