ఆలోచన అదుర్స్​... ప్లాస్టిక్​ వ్యర్థాలతో టీ-షర్టుల తయారీ

ప్లాస్టిక్​ను తరిమేయాలంటే ప్రభుత్వాలే కాదు.. మన వంతు ప్రయత్నం ఉండాలి. ఇదే విషయాన్ని ఆచరణాత్మకంగా చెబుతూ ఆదాయం ఆర్జిస్తున్నాడు ఛత్తీస్​గఢ్​ రాయ్​పుర్​కు చెందిన యువ వ్యాపారవేత్త. ప్లాస్టిక్​ వాటర్​ బాటిళ్లతో టీ-షర్టులు తయారుచేసే కంపెనీ నడుపుతున్నాడు.

ప్లాస్టిక్​ పర్యావరణలో కలిస్తే ప్రమాదం. మరి అలా కాకుండా ఉండాలంటే ఏం చేయాలి? ఈ ప్రశ్నకు జవాబు కనుగొన్నాడు ఛత్తీస్​గఢ్ రాయ్​పుర్​కు చెందిన ఆదీశ్​ ఠాకూర్. తన ఆలోచనకు అంకుర సంస్థ రూపమిచ్చి ఆదాయం ఆర్జిస్తున్నాడు.

ప్లాస్టిక్​ సీసాలతో టీ-షర్ట్​ తయారు చేసే కంపెనీని ప్రారంభించాడు ఠాకూర్​. 8-10 సీసాలతో ఒక టీ-షర్ట్ తయారు చేస్తారు. టీ-షర్ట్​ భుజాలపై ఇవి ప్లాస్టిక్​ సీసాలతో తయారైనవి అని ముద్రించి ఉంటుంది.

ఈటీవీ భారత్​తో ప్రత్యేకంగా మాట్లాడారు ఠాకూర్​. మొదట రీసైకిల్​ చేసిన ప్లాస్టిక్​ గురించి పూర్తిగా అధ్యయనం చేశానని చెప్పాడు. అనంతరం ప్రపంచస్థాయి ప్రమాణాల గురించి తెలుసుకుని టీ-షర్టుల తయారీ ప్రారంభించానని వివరించాడు.

"ఇటువంటి టీ-షర్టులు సాధారణంగా చెన్నై, ఈరోడ్​, తిరుప్పూరులో తయారవుతాయి. ఈ విషయంపై మేం పరిశోధించాం. వీటి గురించి తెలుసుకున్నాం. ఖర్చు గురించి ఆలోచించి తయారీదారులను కలుసుకున్నాం. వాళ్లు మాకు ప్రపంచ స్థాయి ప్రమాణాలతో ఉన్న రీసైక్లింగ్​ పద్ధతి గురించి చెప్పారు. అక్టోబర్​ 2న ఈ ఉత్పత్తులను మేం రాయ్​పుర్​ నగరపాలక సంస్థకు ప్రదర్శించాం. కమిషనర్​, ఇతర అధికారులు మమ్మల్ని ఎంతో మెచ్చుకున్నారు."

- అదీశ్​ ఠాకూర్​

ఇదీ చూడండి: ప్లాస్టిక్ వ్యర్థాల​ నిర్వహణలో దేశానికి ఆదర్శంగా అంబికాపుర్​