రాజస్థాన్ జైపుర్లో రోడ్లపై నిల్చున్నవారిపై హానికర రసాయనాలు స్ప్రే చేశారు నగరపాలక సంస్థ సిబ్బంది.
రసాయనంతో తడిపేశారు...
ప్రపంచ మహమ్మారి కరోనాను నాశనం చేయడంలో శానిటైజర్ కీలకపాత్ర పోషిస్తోంది. అందుకే బహిరంగ ప్రదేశాల్లో ఉన్న వైరస్ను చంపేందుకు చైనా, ఇటలీ వంటి ఎన్నో దేశాలు నగరాలన్నింటినీ హైడ్రోక్లోరైడ్ రసాయనంతో కడిగేస్తున్నాయి. అదే పద్ధతిని భారత్లోనూ అమలు చేస్తున్నాయి కేంద్ర, రాష్ట్ర ప్రభుత్వాలు.
జైపుర్ జవహర్నగర్ బస్తీలోనూ ఈ శానిటైజేషన్ కార్యక్రమం చేపట్టారు అధికారులు. అయితే రోడ్లు, భవనాలపై మాత్రమే పిచికారీ చేస్తే వైరస్ను అంతమొందించలేం అనుకున్నారో ఏమో... ఇళ్ల బయట నిల్చున్న జనాలపైనా రసాయనం స్ప్రే చేశారు మున్సిపాలిటీ సిబ్బంది. ఇదేంటని అడిగితే పట్టించుకోకుండా అక్కడి నుంచి వెళ్లిపోయారు.
హైడ్రోక్లోరైడ్లో క్రిమికీటకాలను నాశనం చేసే గుణాలుంటాయి. కానీ, అది శరీరంపై పడితే చర్మంపై మంట, కంటి సమస్యలకు దారితీస్తుంది. అలాంటి హానికర రసాయనాన్ని కాస్తయినా కనికరం లేకుండా కనిపించిన ప్రతివారిపై చల్లేస్తున్నారు కొందరు సిబ్బంది. ఈ వైఖరిని తీవ్రంగా వ్యతిరేకిస్తున్నారు స్థానికులు.
యూపీలోనూ ఇదే తరహాలో వలసదారులపై అక్కడి సిబ్బంది రసాయనం స్ప్రే చేయగా... తీవ్ర వివాదాస్పదమైంది.