ఉత్తరాఖండ్లోని చార్ధామ్ ఆలయాల్లోకి జూన్ 30 వరకు భక్తులను అనుమతి లేదని దేవస్థాన బోర్డు ప్రకటించింది. రాష్ట్రంలో కరోనా బాధితులు రోజురోజుకు పెరుగుతున్న తరుణంలో ఈ నిర్ణయం తీసుకున్నట్లు తెలిపింది.
'జూన్ 30 వరకు చార్ధామ్ యాత్రకు అనుమతి లేదు' - ఛార్దామ్ యాత్ర నిరాకరణ
ఉత్తరాఖండ్ చార్ధామ్ యాత్రకు జూన్ 30 వరకు అనుమతి లేదని దేవస్థాన బోర్డు కమిటీ ప్రకటించింది. కరోనా కేసులు పెరుగుతున్న నేపథ్యంలో ఈ నిర్ణయం తీసుకున్నట్లు బోర్డు సీఈఓ రవినాథ్ తెలిపారు.
జూన్ 30 వరకు చార్ధామ్ యాత్రకు అనుమతి లేదు
'చార్ధామ్'గా పిలుచుకునే ఉత్తరాఖండ్లోని నాలుగు పుణ్యక్షేత్రాలైన గంగోత్రి, యమునోత్రి, కేదార్నాథ్, బద్రీనాథ్ దేవాలయల్లోకి జూన్ 30 వరకు భక్తులను అనుమతించవద్దని ఆలయ పూజారులు, హుక్దారులు కలిసి అధికారులను కోరారు. ఈ నాలుగు దేవాలయాల్లో యథావిధిగా పూజలు జరుగుతాయని.. కానీ భక్తులను మాత్రం అనుమతించబోమని ఆలయ బోర్డు సీఈఓ రవినాథ్ రామన్ తెలిపారు. జూన్ 30 తర్వాత దీనిపై తుది నిర్ణయం తీసుకోనున్నట్లు పేర్కొన్నారు.
ఇదీ చూడండి:సిలబస్, బోధన సమయం కుదింపు దిశగా కేంద్రం