రేపు తెరుచుకోనున్న కేదార్​నాథ్​​ ఆలయం

పవిత్ర పుణ్యక్షేత్రం కేదార్​నాథ్​​ ఆలయం రేపు తెరుచుకోనుంది. చార్​ ధామ్​ యాత్ర మంగళవారం ప్రారంభమైంది. అక్షయ తృతీయ సందర్భంగా ఉత్తరాఖండ్​లోని గంగోత్రి, యమునోత్రి ఆలయాలు తెరుచుకున్నాయి. వేలాది మంది భక్తులు దర్శించుకొని పులకించిపోయారు. బద్రీనాథ్​ ఆలయం ఈ నెల 10న తెరుచుకుంటుంది.

ఉత్తరాఖండ్​లోని పవిత్ర పుణ్యక్షేత్రం కేదార్​నాథ్​ ఆలయం రేపు(గురువారం) తెరుచుకోనుంది. చార్​ ధామ్​ యాత్రలో భాగంగా భక్తులు దర్శించుకొనే మూడో ఆలయం ఇదే. అలాగే బద్రీనాథ్​ ఆలయ తలుపులు ఈ నెల 10న తెరుచుకుంటాయి. బద్రీనాథ్​ సందర్శనతో చార్ ​ధామ్​ యాత్రను ముగించుకుంటారు భక్తులు.

చార్ ​ధామ్​ ప్రారంభం

భక్తులు ఎంతో పవిత్రంగా భావించే చార్ ​ధామ్​ యాత్ర ఉత్తరాఖండ్​లో మంగళవారం ప్రారంభమైంది. అక్షయ తృతీయ సందర్భంగా గంగోత్రి, యమునోత్రి ఆలయాలు తెరుచుకున్నాయి. ఉదయం 11.30 గంటలకు వేద మంత్రోచ్ఛరణ మధ్య గంగోత్రి, మధ్యాహ్నం 1.15 గంటలకు యమునోత్రి ఆలయాలను తెరిచారు పండితులు. వేలాది మంది భక్తులు తరలివచ్చారు.

చార్ ​ధామ్​ యాత్రలో భాగంగా ఉత్తరాఖండ్​లోని హిమాలయాల్లో కొలువైన నాలుగు పుణ్యక్షేత్రాలను(గంగోత్రి, యమునోత్రి, కేదాన్​నాథ్​, బద్రీనాథ్) భక్తులు దర్శించుకుంటారు. ప్రతి ఏటా లక్షలాది మంది భక్తులు ఈ ఆలయాలకు వస్తారు. యమునోత్రితో ప్రారంభమయ్యే యాత్ర గంగోత్రి, కేదార్​నాథ్​, బద్రీనాథ్​ ఆలయాల సందర్శనతో ముగుస్తుంది.

రేపు కేదార్​నాథ్​, ఈ నెల 10న బద్రీనాథ్​ ఆలయాలు తెరుచుకుంటాయి.

హిమాలయాల్లో ఉన్న ఆలయాలను హిమపాతం కారణంగా ప్రతి ఏడాది అక్టోబర్​ లేదా నవంబర్​ నెలల్లో మూసి వేస్తారు. మళ్లీ ఏప్రిల్​-మేలో తెరుస్తారు. అప్పుడు యాత్ర ప్రారంభం అవుతుంది.