కొండచరియలు విరిగి 10మంది మృతి

చైనాలో కొండ చరియలు విరిగిపడన ఘటనలో 10 మంది మృతి చెందారు.శిథిలాల కింద ఉన్నవారిని రక్షించేందుకు భారీ యంత్రాలతో తీవ్రంగా శ్రమిస్తున్నారు సహాయక సిబ్బంది.

తూర్పు చైనాలో కొండచరియలు విరిగిపడిన ఘటనలో మృతుల సంఖ్య 10కి చేరింది. శుక్రవారం షాంగ్జీ ప్రాంతంలో కొండపైనున్న రెండు నివాసాలు, ఒక వాణిజ్య సముదాయం, స్నానాల గది కుప్పకూలాయి. సహాయక చర్యలు కొసాగుతున్నాయి. శిథిలాల కింద 7 మృతదేహాలు లభించాయి. తీవ్రంగా గాయపడిన మరో ముగ్గురు ఆసుపత్రిలో చికిత్స పొందుతూ తుదిశ్వాస విడిచారు.

మరో ఆరుగురు ఆసుపత్రిలో చికిత్స పొందుతున్నారు. శిథిలాల్లో మరో 10 మంది గల్లంతయ్యారు.

భారీ యంత్రాలు వినియోగిస్తూ సహాయక చర్యలు ముమ్మరంగా కొనసాగిస్తున్నారు సిబ్బంది.