సీబీఎస్ఈ 'పది'లో అమ్మాయిలే టాప్​

సీబీఎస్​ఈ పదో తరగతి ఫలితాలు విడుదలయ్యాయి. అబ్బాయిల కన్నా 2.31శాతం అధికంగా ఉత్తీర్ణత సాధించి అమ్మాయిలు సత్తాచాటారు. ఈసారి మెదటి ర్యాంకును 13మంది విద్యార్థులు పంచుకున్నారు. 500 మార్కులకు 499 సాధించారు.

సీబీఎస్​ఈ పదో తరగతి ఫలితాలు సోమవారం విడుదలయ్యాయి. దేశవ్యాప్తంగా 92.45 శాతం ఉత్తీర్ణత నమోదైంది. అబ్బాయిల కన్నా అమ్మాయిలు 2.31శాతం అధికంగా ఉత్తీర్ణత సాధించారు.

500 మార్కులకు 499 మార్కులు సాధించి 13 మంది విద్యార్థులు ఫస్ట్​ ర్యాంక్ కైవసం చేసుకున్నారు. 24 మంది రెండో ర్యాంకు, 58 మంది విద్యార్థులు మూడో ర్యాంకు సాధించారు.

ప్రాంతాలవారీగా...

ప్రాంతాల వారీగా కేరళలోని త్రివేండ్రం 99.85 శాతంతో తొలి స్థానంలో నిలిచింది. చెన్నై, అజ్మేర్​ రెండు, మూడు స్థానాల్లో నిలిచాయి.

74.49 శాతంతో గువహటి అట్టడుగు స్థానం, 80.97 శాతంతో దిల్లీ చివరి నుంచి రెండో స్థానంలో నిలిచాయి.

మోదీ అభినందన...

సీబీఎస్​ఈ 10వ తరగతిలో ఉత్తీర్ణులైన విద్యార్థులకు, వారి తల్లిదండ్రులుకు, ఉపాధ్యాయులకు ప్రధాని నరేంద్రమోదీ ట్విట్టర్​ ద్వారా అభినందనలు తెలిపారు.

ఇదీ చూడండి: ఐపీఎల్​ 2019: పొట్టి లీగ్​లో రికార్డులే రికార్డులు