బ్యాంకు మోసాలపై కేంద్ర దర్యాప్తు సంస్థ ప్రత్యేక దృష్టి సారించింది. దేశంలోని 12 రాష్ట్రాలు, కేంద్రపాలిత ప్రాంతాల్లో మంగళవారం సోదాలు చేపట్టింది. 18 నగరాల్లోని 50 ప్రాంతాల్లో ఏకకాలంలో తనిఖీలు నిర్వహించింది. సుమారు 640 కోట్ల రూపాయల మేర బ్యాంకు మోసాలకు పాల్పడిన పలు కంపెనీలు, ఆయా సంస్థల ప్రమోటర్లు, డైరెక్టర్లు, వారికి సహకరించిన బ్యాంకు అధికారులపై మొత్తం 14 కేసులు నమోదు చేసింది.
దిల్లీ, ముంబయి, లూథియానా, ఠానే, వల్సాద్, పుణె, పళని, గయ, గురుగ్రామ్, చంఢీగఢ్, భోపాల్, సూరత్, కోలార్ తదితర నగరాల్లో సీబీఐ ఏకకాలంలో సోదాలు చేపట్టింది.