లైంగిక ఆరోపణలు చేసిన మహిళ అదృశ్యమైన నేపథ్యంలో ముముక్షు ఆశ్రమ అధిపతి, భాజపా సీనియర్ నేత, కేంద్రమాజీ మంత్రి స్వామి చిన్మయానంద్పై పోలీసులు మంగళవారం ఎఫ్ఐఆర్ నమోదు చేశారు.
ముముక్షు ఆశ్రమం ఆధ్వర్యంలోని ఓ కళాశాలలో పోస్ట్ గ్రాడ్యుయేషన్ పూర్తి చేసింది ఆ యువతి. చిన్మయానంద్ తనను లైంగికంగా వేధించారంటూ ఇటీవల వీడియో క్లిప్పింగ్ను విడుదల చేసింది. ఈ క్రమంలోనే ఆమె అదృశ్యమయింది. ఆమె తండ్రి మంగళవారం పోలీసులను ఆశ్రయించారు. 72 ఏళ్ల భాజపా నేత, మరికొందరు తన కుమార్తెతో పాటు పలువురు యువతులను లైంగికంగా వేధించినట్లు ఫిర్యాదు చేశారు.