సీఆర్​పీఎఫ్​ కాన్వాయ్​ సమీపంలో పేలుడు

జమ్ముకశ్మీర్​ బనిహాల్​ వద్ద కారులో మంటలు చెలరేగి పూర్తిగా దగ్ధమైంది. సమీపంలోనే ఉన్న సీఆర్​పీఎఫ్​ కాన్వాయ్​ త్రుటిలో ప్రమాదం నుంచి తప్పించుకుంది.అధికారులు దర్యాప్తు చేపట్టారు.

జమ్ముకశ్మీర్​ బనిహాల్​ వద్ద కారులో పేలుడు సంభవించింది. ఉదయం 10.30కి జరిగిన ఈ ఘటనలో ఎవరికీ ఎలాంటి హాని జరగలేదు.

పేలుడు సమయంలో సీఆర్​పీఎఫ్​ వాహనశ్రేణి సమీపంలోనే ఉంది. అయితే... కాన్వాయ్​ లక్ష్యంగా దాడి జరగలేదని, వాహనంలోని సిలిండర్​ పేలడమే ఇందుకు కారణమని అధికారులు ప్రాథమిక అంచనాకు వచ్చారు. ఘటనపై దర్యాప్తునకు ఆదేశించారు.​

ఫిబ్రవరి 14న పుల్వామాలో సీఆర్​పీఎఫ్​ వాహనశ్రేణిని లక్ష్యంగా చేసుకుని ముష్కరులు దాడి చేశారు. పేలుడు పదార్ధాలు నింపిన వాహనంతో జవాన్ల బస్సును ఢీకొట్టారు. ఈ దాడిలో 40మంది జవాన్లు అమరులయ్యారు. ఇప్పుడు సీఆర్​పీఎఫ్​ వాహనశ్రేణికి సమీపంలో కారు పేలడం అనుమానాలకు తావిచ్చింది.