ప్రముఖ క్యాన్సర్ వైద్య నిపుణులు శాంత కన్నుమూత

ప్రముఖ క్యాన్సర్​ వైద్య నిపుణులు డాక్టర్ శాంత సోమవారం రాత్రి తుదిస్వాస విడిచారు. డాక్టర్ శాంత మృతిపై ప్రధాని నరేంద్ర మోదీ సంతాపం తెలిపారు.

ప్రముఖ క్యాన్సర్​ వైద్య నిపుణులు, చెన్నై అడయార్ క్యాన్సర్ ఇన్​స్టిట్యూట్​ ఛైర్​పర్సన్​ శాంత కన్నుమూశారు. 93 ఏళ్ల శాంత.. ఛాతిలో నొప్పి రావడం వల్ల సోమవారం రాత్రి చెన్నైలోని అపోలో ఆస్పత్రిలో చేరారు. ఈ క్రమంలో చికిత్స పొందుతూ తుదిశ్వాస విడిచారు. డాక్టర్ శాంతకు నివాళులు అర్పిస్తూ ప్రధాని నరేంద్ర మోదీ ట్వీట్​ చేశారు.

"అత్యున్నత ప్రమాణాలతో నాణ్యమైన క్యాన్సర్ చికిత్స అందించేందుకు డాక్టర్​ శాంత చేసిన కృషి మరువలేనిది. పేదలకు చికిత్స అందించడంలో క్యాన్సర్ ఇన్​స్టిట్యూట్​ ఆఫ్ అడయార్ ఎప్పుడూ ముందుంటుంది. ఈ సందర్భంగా 2018లో నేను ఆ ఆస్పత్రిని సందర్శించిన క్షణాలు గుర్తుచేసుకుంటున్నాను. ఆమె ఆత్మకు శాంతి కలగాలి"

-నరేంద్ర మోదీ, ప్రధాని

పద్మభూషణ్​ పురస్కారం అందుకుంటున్న డాక్టర్​ శాంత

ఎన్నో అవార్డులు..

డాక్టర్ శాంతను ఎన్నో అవార్డులు వరించాయి. పద్మశ్రీ, పద్మ భూషన్, పద్మ విభూషణ్​ సహా మెగసెసే అవార్డులు ఆమె సొంతమయ్యయి. 50 ఏళ్ల వైద్య జీవితాన్ని పేదల కోసం, క్యాన్సర్​ రోగుల కోసం అంకితం చేసిన శాంత.. ఆస్పత్రికి వచ్చే తెలుగువారికి సహాయ సహకారాలు అందించారు.

ఇదీ చదవండి :పదోన్నతుల్లో రిజర్వేషన్లపై తేల్చాల్సిన అంశాలేంటి? ​