కరవు భత్యంపై కేంద్రం కీలక నిర్ణయం
కేంద్ర ప్రభుత్వ ఉద్యోగులకు తీపి కబురు అందించింది సర్కార్. కరవు భత్యం (డీఏ)ను 4 శాతం పెంచుతూ నిర్ణయం తీసుకుంది. దిల్లీలో ప్రధానమంత్రి నరేంద్ర మోదీ నేతృత్వంలో సమావేశమైన కేంద్ర మంత్రివర్గం ఈమేరకు డీఏ పెంపునకు ఆమోద ముద్ర వేసింది.
కేంద్ర ప్రభుత్వ నిర్ణయంతో కరవు భత్యం ప్రస్తుతం ఉన్న 17 శాతం నుంచి 21 శాతానికి పెరగనుంది. దీంతో కేంద్రంపై అదనంగా రూ.14,595 కోట్లు భారం పడనుంది.
"48 లక్షల మంది కేంద్ర ప్రభుత్వ ఉద్యోగులు, 65 లక్షల మంది పింఛనుదారులకు ఈ ఏడాది జనవరి 1 నుంచి వర్తించేలా కరవు భత్యాన్ని పెంచాలని నిర్ణయించాం. ఒక కోటి 13 లక్షల కుటుంబాలకు దీని వల్ల ప్రయోజనం చేకూరనుంది."