గెజిట్ నోటిఫికేషన్​తో అమల్లోకి సీఏఏ

పౌరసత్వ సవరణ చట్టం (సీఏఏ) జనవరి 10 నుంచి అమల్లోకి వచ్చింది. ఈ మేరకు కేంద్ర హోంశాఖ గెజిట్​ నోటిఫికేషన్ జారీ చేసింది.

పాకిస్థాన్​, బంగ్లాదేశ్‌, అఫ్గానిస్థాన్ నుంచి వలస వచ్చిన ముస్లిమేతరులకు భారత పౌరసత్వం కల్పించేందుకు తీసుకువచ్చిన పౌరసత్వ సవరణ చట్టం(సీఏఏ) శుక్రవారం నుంచి అమలులోకి వచ్చింది. ఈ మేరకు కేంద్ర హోంశాఖ గెజిట్‌ నోటిఫికేషన్ విడుదల చేసింది. జనవరి 10వ తేదీ నుంచి ఇది అమల్లోకి వస్తుందని ఈ నోటిఫికేషన్‌లో కేంద్రం తెలిపింది.

సీఏఏని గత నెల 11న పార్లమెంటు ఆమోదించగా, అనంతరం రాష్ట్రపతి రామ్‌నాథ్‌ కోవింద్‌ ఆమోదముద్ర వేశారు. ఈ చట్టంపై దేశవ్యాప్తంగా పెద్ద ఎత్తున ఆందోళనలు కొనసాగుతున్నాయి.

ఇదీ చూడండి:ఇవాళ ప్రధాని మోదీ, మమతా బెనర్జీ భేటీ!