బీఎస్పీ చీఫ్​ మాయావతికి పితృవియోగం

బహుజన్​ సమాజ్​ పార్టీ(బీఎస్పీ) అధినేత్రి, ఉత్తర్​ ప్రదేశ్​ మాజీ ముఖ్యమంత్రి మాయావతి తండ్రి ప్రభూ దయాల్(95) కన్నుమూశారు. వృద్ధాప్యం కారణంగా మరణించినట్లు పార్టీ ట్విట్టర్​లో పేర్కొంది.

ఉత్తర్​ ప్రదేశ్​ మాజీ ముఖ్యమంత్రి, బహుజన్​ సమాజ్​ పార్టీ(బీఎస్పీ) అధినేత్రి మాయావతి తండ్రి ప్రభూ దయాల్​(95) కన్నుమూశారు. వృద్ధాప్యం కారణంగానే ఆయన చనిపోయినట్లు పార్టీ ట్విట్టర్​లో పేర్కొంది. ఆయన మృతిపై సంతాపం వ్యక్తం చేసింది.

దిల్లీలోని కుమారుడి ఇంట్లో ప్రభూ తుది శ్వాస విడిచారు. తండ్రి భౌతిక కాయానికి మాయావతి నివాళి అర్పించారు.

ప్రభూ దయాల్​.. తపాలా శాఖలో సెక్షన్​ హెడ్​గా విధులు నిర్వర్తించారు. ఆయనకు ముగ్గురు కుమార్తెలు, ఆరుగురు కుమారులు.