లైవ్​: ముఖ్యమంత్రిగా యడ్యూరప్ప ప్రమాణం

18:35 July 26

యడ్యూరప్ప ప్రస్థానం...

• 2007 నవంబరులో తొలిసారి సీఎంగా ప్రమాణం చేసిన యడ్యూరప్ప
• జేడీఎస్ మాట మార్చడం వల్ల 4 రోజులకే సీఎం పదవి నుంచి వైదొలిగిన యడ్యూరప్ప
• 2008 మే 30న రెండోసారి సీఎంగా ప్రమాణం చేసిన యడ్యూరప్ప
• మూడేళ్ల 2 నెలలపాటు ముఖ్యమంత్రిగా పనిచేసిన యడ్యూరప్ప
• అవినీతి ఆరోపణలు రావడం వల్ల 2011లో రాజీనామా చేసిన యడ్యూరప్ప
• 2012లో భాజపాకు రాజీనామా చేసిన యడ్యూరప్ప
• కర్ణాటక జనతా పక్ష పేరుతో కొత్త పార్టీ స్థాపించిన యడ్యూరప్ప
• 2014లో తన పార్టీని భాజపాలో విలీనం చేసిన యడ్యూరప్ప
• 2014 లోక్‌సభ ఎన్నికల్లో షిమోగా నుంచి గెలుపొందిన యడ్యూరప్ప
• 2018 మే 17న మూడోసారి సీఎంగా ప్రమాణం చేసిన యడ్యూరప్ప
• 1943 ఫిబ్రవరి 27న మండ్య జిల్లా కృష్ణరాజపేట బూకనకెరెలో జన్మించిన యడ్యూరప్ప
• రాష్ట్రీయ స్వయంసేవక్‌సంఘ్‌కార్యకర్తగా పనిచేసిన యడ్యూరప్ప
• 1970 శికారిపుర సంఘ్‌పరివార్‌కార్యదర్శిగా నియమితులైన యడ్యూరప్ప
• 1975లో శికారిపుర పురపాలక అధ్యక్షుడిగా ఎన్నికైన యడ్యూరప్ప
• అత్యవసర పరిస్థితి కాలంలో జైలుకు వెళ్లిన యడ్యూరప్ప
• 1980లో శికారిపుర తాలూకా భాజపా అధ్యక్షుడిగా యడ్యూరప్ప
• అనంతరం షిమోగా జిల్లా భాజపా అధ్యక్షుడిగా పనిచేసిన యడ్యూరప్ప
• 2008లో దక్షిణాది నుంచి భాజపా మొదటి సీఎంగా పనిచేసిన యడ్యూరప్ప

18:24 July 26

యడ్యూరప్ప ప్రమాణం...

కర్ణాటక ముఖ్యమంత్రిగా యడ్యూరప్ప ప్రమాణస్వీకారం చేశారు. గవర్నర్‌ వాజూభాయ్‌ వాలా ప్రమాణం చేయించారు. 

18:09 July 26

రాజ్​భవన్​కు చేరకున్న యడ్డీ...

ముఖ్యమంత్రిగా ప్రమాణస్వీకారం చేయనున్న యడ్యూరప్ప రాజ్​భవన్​కు చేరుకున్నారు. మరి కాసేపట్లో ఆయన సీఎంగా ప్రమాణం చేయనున్నారు. 

18:00 July 26

రాజ్​భవన్​కు పయనం...

ప్రమాణస్వీకార మహోత్సవం కోసం యడ్యూరప్ప రాజ్​భవన్​కు పయనమయ్యారు. కాసేపట్లో రాష్ట్ర ముఖ్యమంత్రిగా ప్రమాణం చేయనున్నారు. 

17:50 July 26

నాలుగోసారి సీఎంగా...

మూడు వారాల పాటు సంక్షోభంలో కొట్టుమిట్టాడిన కర్ణాటకీయం ఓ కొలిక్కివచ్చింది. మరి కాసేపట్లో భాజపా సీనియర్‌ నేత యడ్యూరప్ప ముఖ్యమంత్రిగా ప్రమాణ స్వీకారం చేయనున్నారు. యడ్డీ నేడు రాష్ట్ర గవర్నర్‌ వాజూభాయ్‌ వాలాతో సమావేశమయ్యారు. రాజ్‌ భవన్‌కు చేరుకోవడానికి ముందు యడ్యూరప్ప హనుమాన్‌ ఆలయంలో పూజలు చేశారు. 

17:44 July 26

ప్రమాణానికి ముందు పూజలు...

ప్రమాణస్వీకారానికి ముందు యడ్యూరప్ప బెంగళూరులోని కడు మల్లేశ్వర దేవాలయాన్ని దర్శించారు. ప్రత్యేక పూజలు నిర్వహించారు.

17:31 July 26

సీఎంగా యడ్డీ...

కాసేపట్లో కర్ణాటక ముఖ్యమంత్రిగా బీఎస్​ యడ్యూరప్ప ప్రమాణ స్వీకారం చేయనున్నారు.  ఇవాళ యడ్యూరప్ప ఒక్కరే ప్రమాణ స్వీకారం చేసే అవకాశం ఉంది. విశ్వాస పరీక్షలో ఓటమిపాలై కుమారస్వామి సర్కారు కుప్పకూలడం వల్ల భాజపాను ప్రభుత్వం ఏర్పాటు చేయాలని గవర్నర్​ ఆహ్వానించారు.