'రూ.10 కోట్ల ఆస్తి ఉన్న వధువు కావలెను'

పత్రికల్లో వధూవరులు కావాలంటూ ప్రకటనలు సాధారణమే. ఉద్యోగం, ఎత్తు, బరువు, అలవాట్లు, ఆఖరికి సామాజిక వర్గం ఇలా డిమాండ్లు ఉండటం సహజమే. బంగాల్​ సిలిగుడికి చెందిన ఓ ప్రభుత్వ ఉపాధ్యాయుడు.. వధువుకు రూ.10 కోట్ల ఆస్తి ఉండాలంటూ షరతు పెట్టి వార్తల్లో నిలిచాడు.

ఓ పత్రికలో వచ్చిన సాధారణ పెళ్లి ప్రకటన అసాధారణ రీతిలో ప్రాచుర్యం పొందింది. బంగాల్​ సిలిగుడిలోని కాలియాగంజ్​​లో ఓ ప్రభుత్వ ఉపాధ్యాయుడు.. వధువు కావాలంటూ ప్రకటన ఇచ్చాడు. తన పేరు మాత్రం చెప్పకుండా పెళ్లికి ఓ షరతు పెట్టాడీ 42 ఏళ్ల ప్రబుద్ధుడు. అమ్మాయి పేరు మీద రూ.10 కోట్ల ఆస్తి ఉండాలన్నది అతని డిమాండ్​.

భారత్​లో వచ్చే పెళ్లి ప్రకటనల్లో సాధారణంగా చర్మం రంగు, ఎత్తు, జుట్టు పొడవు, ఒకే సామాజిక వర్గం అనే డిమాండ్లే కనిపిస్తాయి. అంతకు మించి అంటే ఉద్యోగం లేదా ఐఐటీ, ఐఐఎంలలో చదివి ఉండాలనో ఉంటుంది. వీటికి భిన్నంగా ఈ వింత ప్రకటనను చూడగానే పాఠకులను విపరీతంగా ఆకట్టుకుంది.

ప్రకటన

క్షణాల్లో వైరల్​

ఈ ప్రకటన క్షణాల్లో సామాజిక మాధ్యామాల్లో వైరల్​ అయిపోయింది. అనేక మీమ్స్​ సృష్టించారు నెటిజన్లు. ఉపాధ్యాయుడికి వ్యతిరేకంగా అతని ఆలోచనను ఎండగడుతూ వ్యంగ్యంగా వింత వింత డిమాండ్లు పెడుతున్నారు.

ఈ ఘటన కాలియాగంజ్​ ఉపాధ్యాయుల సంఘం దృష్టికి వచ్చింది. అయితే ప్రకటన ఇచ్చింది ఎవరన్నదీ ఇంకా తెలియరాలేదు. పరిశీలించి చర్యలు తీసుకుంటామని వారు స్పష్టం చేశారు.

ఇదీ చూడండి: కేంద్ర మంత్రిత్వ శాఖలకే టోకరా.. కోట్లు చోరీ!