ఆ వార్తా ఛానళ్లపై కోర్టుకెక్కిన బాలీవుడ్ నిర్మాతలు

ప్రముఖ జాతీయ వార్తా ఛానళ్లు రిపబ్లిక్ టీవీ, టైమ్స్ నౌపై కోర్టుకెక్కారు బాలీవుడ్ నిర్మాతలు. బాలీవుడ్​కు చెందిన వ్యక్తులపై అసభ్యకరమైన కథనాలు ప్రసారం చేస్తున్నారని ఆరోపించారు. చిత్ర పరిశ్రమకు చెందిన వారి వ్యక్తిగత విషయాల్లో జోక్యం చేసుకోకుండా వీరిని నియంత్రించాలని పిటిషన్​లో కోరారు.

కొన్ని జాతీయ వార్తా ఛానళ్లపై ప్రముఖ బాలీవుడ్ నిర్మాతలు దిల్లీ హైకోర్టును సోమవారం ఆశ్రయించారు. చిత్ర పరిశ్రమపై బాధ్యతారాహిత్యంగా, అవమానకరంగా, పరువు నష్టం కలిగించే విధంగా ప్రసారాలు చేస్తున్నారని ఆరోపించారు. వివిధ అంశాలపై మీడియా ట్రయల్స్​ను నిర్వహించడాన్ని అడ్డుకోవాలని కోరారు.

హైకోర్టులో దావా వేసిన వారిలో నాలుగు బాలీవుడ్ పరిశ్రమ సంఘాలతోపాటు 34 మంది ప్రముఖ నిర్మాతలు ఉన్నారు. పిటిషన్​లో ప్రముఖంగా రిపబ్లిక్ టీవీ, టైమ్స్​ నౌ ఛానళ్ల పేరును ప్రస్తావించారు నిర్మాతలు.

చిత్ర పరిశ్రమకు చెందిన వారి వ్యక్తిగత అంశాల్లో జోక్యం చేసుకోకుండా ఈ ఛానళ్లను నియంత్రించాలని దిల్లీ హైకోర్టును కోరారు. బాలీవుడ్ వ్యక్తుల పట్ల అసభ్యకరమైన పదాలను వినియోగిస్తున్నారంటూ.. ఆ ఛానళ్లు ప్రసారం చేసిన కొన్ని వ్యాఖ్యలను జతచేశారు.

ఇదీ చూడండి:'సుశాంత్ కేసులో ఎయిమ్స్​ నివేదికపై అనుమానాలు'