మహారాష్ట్రలో పడవ బోల్తా-ప్రయాణికులు సురక్షితం

మహారాష్ట్ర మాండ్వా తీరంలో పడవ బోల్తా పడింది. అదృష్టవశాత్తు అందులోని 88 మంది ప్రయాణికులు సురక్షితంగా బయటపడ్డారు.

మహారాష్ట్రలో ఓ పడవ ప్రమాదవశాత్తు బోల్తా పడింది. ఓ భారీ రాయిని ఢీకొనడం వల్ల ప్రమాదం జరిగింది. పడవలో ప్రయాణిస్తున్న 88 మంది సురక్షితంగా బయటపడ్డారు.

రాయ్​గఢ్​​ జిల్లా మాండ్వా తీరంలో ఉదయం 10 గంటల సమయంలో ఈ ఘటన జరిగినట్లు అధికారులు తెలిపారు.

"ఓ పెద్ద రాయిని ఢీకొన్న తర్వాత పడవలోకి నీరు చేరింది. దీంతో పడవ మునిగింది. వెంటనే తీర ప్రాంత పోలీసులకు, ఇతర సంస్థలకు సమాచారం అందించాం. అనంతరం సహాయక చర్యలు చేపట్టారు."-అధికారి

పడవలో ఉన్న ప్రయాణికులందరినీ సురక్షితంగా కాపాడినట్లు తెలిపారు అధికారులు. వేరే పడవలో తీరానికి చేర్చినట్లు చెప్పారు.