తెరచుకోనున్న ఎలక్ట్రానిక్, హార్డ్​వేర్​ దుకాణాలు

నిత్యావసరాలు మినహా ఇతర దుకాణాలన్నీ మూసివేయాలని గతంలో ఇచ్చిన ఆదేశాలకు మార్పులు చేసింది బృహన్​ ముంబయి మున్సిపల్ కార్పొరేషన్​. ఎలక్ట్రానిక్స్​, హార్డ్​వేర్ షాపులు తెరిచేందుకు అనుమతించింది.

ఎలక్ట్రానిక్, హార్డ్​వేర్​ దుకాణాలు తెరిచేందుకు అనుమతిచ్చింది ముంబయి మహానగర పాలిక(బీఎంసీ). లాక్​డౌన్ సమయంలో నిత్యావసరాల దుకాణాలు మినహా మద్యం షాపులు, ఇతర ఏ దుకాణాలు తెరవద్దని గతంలో ఇచ్చిన ఆదేశాలకు మార్పులు చేసింది.

అత్యవసర విభాగంలో ఉపయోగించే వైద్య పరికరాలు, కంప్యూటర్లు, వాహనాలు, ఇతర యంత్రాలు కొన్ని పనిచేయడం లేదని.. వాటిని రిపేర్ చేయించాల్సిన అవసరం ఉందనే ఈ నిర్ణయం తీసుకున్నట్లు బీఎంసీ కమిషనర్​ ప్రవీణ్​ పర్​దేశీ తెలిపారు. తక్షణమే ఎలక్ట్రానిక్​, హార్డ్​వేర్ దుకాణాలు తెరవాల్సిన ఆవశ్యకత ఉందన్నారు.

దేశంలోనే కరోనా ప్రభావం ముంబయిలో తీవ్రంగా ఉంది. నగరంలో ఇప్పటి వరకు 10వేలకు పైగా కేసులు నమోదయ్యాయి. 410మందికి పైగా మృతి చెందారు.