పార్లమెంట్ శీతాకాల సమావేశాలు ఈ నెల 13 వరకు కొనసాగనున్న నేపథ్యంలో భాజపా పార్లమెంటరీ పార్టీ నేడు సమావేశం కానుంది. పార్లమెంట్లో అనుసరించాల్సిన వ్యూహాలపై నేటి సమావేశంలో భాజపా నేతలు నిర్ణయం తీసుకోనున్నారని సమాచారం.
నేడు భాజపా పార్లమెంటరీ పార్టీ భేటీ-ప్రగ్యాకు నో ఎంట్రీ - BJP parliamentary party meeting
భాజపా పార్లమెంటరీ పార్టీ నేడు సమావేశం కానుంది. ఈ నెల 13 వరకు కొనసాగనున్న పార్లమెంట్ శీతాకాల సమావేశాల్లో అనుసరించాల్సిన వ్యూహంపై నేటి భేటీలో చర్చించనున్నారని సమాచారం. 'గాడ్సే దేశభక్తుడు' అన్న పార్టీ ఎంపీ ప్రగ్యా ఠాకూర్ వ్యాఖ్యలను తీవ్రంగా పరిగణించిన అధిష్ఠానం ఆమెను పార్లమెంటరీ పార్టీ సమావేశానికి నిషేధించింది. ఈ నేపథ్యంలో ప్రగ్యా నేటి సమావేశానికి గైర్హాజరు కానున్నారు.
నేడు భాజపా పార్లమెంటరీ పార్టీ భేటీ-ప్రగ్యాకు నో ఎంట్రీ
భాజపా ఎంపీ ప్రగ్యా ఠాకూర్ జాతిపిత మహాత్మాగాంధీని హత్య చేసిన నాథూరాం గాడ్సేను దేశభక్తుడిగా అభివర్ణించిన నేపథ్యంలో పార్లమెంట్లో గతవారం దూమారం చెలరేగింది. ఈ కారణంగా ఆమెను పార్లమెంటరీ పార్టీ సమావేశానికి నిషేధిస్తూ భాజపా అధినాయకత్వం నిర్ణయం తీసుకుంది. ఈ నేపథ్యంలో ఆమె నేటి సమావేశానికి గైర్హాజరు కానున్నారు. అదే సమయంలో ప్రధానమంత్రి నరేంద్రమోదీ ఝార్ఖండ్ ఎన్నికల ప్రచారంలో ఉన్నందున ఈ సమావేశానికి హాజరుకారని పార్టీ వర్గాలు తెలిపాయి.
ఇదీ చూడండి : భారతీయ రైల్వే పనితీరు మెరుగుపడాలి : కాగ్‌