తమిళనాడులో భాజపా నేత కుష్బూ అరెస్ట్​

భాజపా నేత కుష్బూను తమిళనాడు పోలీసులు అదుపులోకి తీసుకున్నారు. మనుస్మృతి, మహిళలపై వీసీకే నేత తిరుమలవలన్​ చేసిన వ్యాఖ్యలకు నిరసనగా ఆందోళనలు చేపట్టేందుకు చిదంబరం బయలు దేరిన కుష్బూను మార్గ మధ్యలో పోలీసులు అరెస్టు చేశారు.

తమిళనాడులో భాజపా నేత కుష్బూ సుందర్​ను పోలీసులు అరెస్టు చేశారు. మహిళలు, మనుస్మృతిపై వీసీకే నేత తిరుమలవలన్​ చేసిన వ్యాఖ్యలపై నిరసన చేపట్టేందుకు చిదంబరం వెళుతుండగా పోలీసులు ఆమెను అదుపులోకి తీసుకున్నారు.

ఈ నేపథ్యంలో తనను అరెస్ట్​ చేయడంపై కుష్బూ ట్వీట్​ చేశారు. మహిళల గౌరవం కోసం తుది శ్వాస వరకు పోరాడుతామని తెలిపారు.

"నన్ను అరెస్ట్​ చేశారు. పోలీస్​ వాహనంలో తీసుకెళ్లారు. మహిళల గౌరవం కోసం చివరి శ్వాస వరకు పోరాడతాము. మహిళల భద్రతపై ప్రధాని మోదీ అనేక మార్లు మాట్లాడారు. వారి అడుగుజాడల్లోనే ముందుకు సాగుతాం. మహిళలపై దాడి చేసే వారి ముందు మేము తల వంచం."

-- కుష్బు సుందర్​, భాజపా నేత.

వీసీకేని ఓ పిరికివాడిగా అభివర్ణించిన కుష్బూ.. శాంతియుతంగా నిరసనలు చేసే అవకాశాన్ని తనకు ఎందుకు కల్పించలేదని ముఖ్యమంత్రి పళనిస్వామిపై మండిపడ్డారు.

మనుస్మృతి, మహిళలనుద్దేశించి ఇటీవలే వివాదాస్పద వ్యాఖ్యలు చేశారు తిరుమవలవన్​. ఈ నేపథ్యంలో పలు అసభ్యకర పదాలను ఉపయోగించారు. ఆ పదాలు మనుస్మృతిలోనూ ఉన్నట్టు తెలిపారు. ఇందుకు సంబంధించిన వీడియో వైరల్​ కావడం వల్ల రాష్ట్రవ్యాప్తంగా ఆయనపై విమర్శలు వెల్లువెత్తుతున్నాయి.

పోలీస్​ వ్యాన్​లో కుష్బూ

ఇదీ చూడండి:-భాజపా గూటికి కుష్బూ- లాభం ఎవరికి?