ఆ 4 రాష్ట్రాలకు పార్టీ ఇంఛార్జీల నియామకం

ఈ ఏడాదిలో జరగబోయే పలు రాష్ట్రాల అసెంబ్లీ ఎన్నకల్లో గెలుపే లక్ష్యంగా భాజపా వ్యూహాలు రచిస్తోంది. ఇందుకోసం అసోం, తమిళనాడు, కేరళ, పుదుచ్చేరిలకు నూతనంగా ఇంఛార్జీలను నియమించింది.

త్వరలో ఎన్నికలు జరగబోయే రాష్ట్రాలకు ఇంఛార్జీలను నియమించింది భారతీయ జనతా పార్టీ. అసోం, తమిళనాడు, కేరళ, పుదుచ్చేరిలకు కొంతమంది కేంద్రమంత్రులను బాధ్యులుగా నియమిస్తూ ప్రకటన విడుదల చేసింది.

రాష్ట్రం	పార్టీ బాధ్యులు
అసోం	నరేంద్ర సింగ్​ తోమర్
తమిళనాడు	కిషన్​ రెడ్డి
కేరళ	ప్రహ్లాద్ జోషి
పుదుచ్చేరి	అర్జున్​ రామ్​ మేఘ్​వాల్

కేంద్ర మంత్రులు జితేంద్ర సింగ్, వికే సింగ్​లను అసోం, తమిళనాడుకు వరుసగా సహాయక బాధ్యులుగా నియమించింది. కర్ణాటక డిప్యూటీ ముఖ్యమంత్రి సీఎన్​ అశ్వథ్​నారాయణ్​ను కేరళకు, రాజీవ్​ చంద్రశేఖర్​ను పుదుచ్చేరికి సహాయక ఇంఛార్జీలుగా ప్రకటించింది.

ఈ నాలుగు రాష్ట్రాలకు ఏప్రిల్​-మే లో అసెంబ్లీ ఎన్నికలు జరగనున్నాయి.

• ఇదీ చూడండి:టీఎంసీ నుంచి చేరికలకు భాజపా బ్రేకులు!