బిహార్ అసెంబ్లీ ఎన్నికల వేళ కాంగ్రెస్ పార్టీ.. తన రెండో జాబితాను విడుదల చేసింది. 49 మంది పేర్లను ప్రకటించిన ఈ జాబితాలో.. కేంద్ర మాజీ మంత్రి శత్రుఘ్న సిన్హా తనయుడు లువ్ సిన్హా, జేడీయూ నేత శరద్యాదవ్ కుమార్తె సుభాషిని యాదవ్లకు చోటు దక్కింది. బంకిపుర్ నియోజకవర్గం నుంచి సిన్హా పోటీ చేయనుండగా.. బిహారీగంజ్ నుంచి సుభాషిని బరిలోకి దిగనున్నారు.
ఇటీవలే లోక్ జన్శక్తి పార్టీ(ఎల్జేపీ)ని వీడిన సుభాషిని.. బుధవారమే కాంగ్రెస్ తీర్థం పుచ్చుకున్నారు. ఈమెతో పాటు అదేరోజు పార్టీలో చేరిన మాజీ ఎంపీ కాళీ పాండే.. కుచాయ్కోట్ అసెంబ్లీ నుంచి తన అదృష్టాన్ని పరీక్షించుకోనున్నారు.