ప్రజల ప్రాణాలు గాల్లో.. మంత్రి చిత్తం మ్యాచ్​పై!

బిహార్​లో ప్రబలిన ఎక్యూట్ ఎన్​సెఫలైటిస్ సిండ్రోమ్(ఏఈఎస్) వ్యాధిపై పట్నాలో సమావేశం నిర్వహించారు. కేంద్ర మంత్రి హర్షవర్థన్ హాజరైన ఈ భేటీలో బిహార్ ఆరోగ్య మంత్రి మంగల్ పాండే క్రికెట్ స్కోరు గురించి అడగటం విమర్శలకు దారితీసింది.

బిహార్​లో ఎక్యూట్ ఎన్​సెఫలైటిస్ సిండ్రోమ్(ఏఈఎస్) వ్యాధితో వందమందికి పైగా పిట్టల్లా రాలిపోయారు. ఈ వ్యాధిపై కేంద్ర ఆరోగ్య మంత్రి హర్షవర్థన్ ఆదివారం బిహార్​లో స్వయంగా పర్యటించి సమీక్షించారు. పట్నాలో వైద్యారోగ్య శాఖ రాష్ట్రమంత్రి, ఇతర ఉన్నతాధికారులతో సమావేశం నిర్వహించారు. ఈ భేటీలో బిహార్ ఆరోగ్య మంత్రి మంగల్ పాండే క్రికెట్ స్కోరు గురించి అడగటం విమర్శలకు దారితీసింది.

అమాయకులు పిట్టల్లా రాలిపోతుంటే... దానిపై మీటింగ్​లో కూర్చుని క్రికెట్ స్కోరు కావాల్సొచ్చిందా అంటూ సర్వత్రా విమర్శలు వెల్లువెత్తుతున్నాయి.