ట్రాఫిక్ పోలీసులు జరిమానా విధించారని నడిరోడ్డుపై ఆత్మహత్యాయత్నం చేశాడో ద్విచక్రవాహనదారుడు. ఈ ఘటన బిహార్లోని పూర్ణియాలో జరిగింది.
ఇదీ జరిగింది
పూర్ణియా ఆర్ఎన్ఎస్ఏవీ చౌక్ వద్ద ట్రాఫిక్ పోలీసులు వాహన తనిఖీలు నిర్వహించారు. హెల్మెట్ లేకుండా బైక్పై వెళ్తున్న సత్యం సిన్హాను ఆపి, రూ.2,000 జరిమానా వేశారు. అందుకు ప్రతిగా సత్యం చేసిన పని... అందరినీ నివ్వెరపరిచింది.
"బైక్ చోదకుడు హెల్మెట్ ధరించకుండా బండి నడిపాడు. అందుకని నూతన చట్ట ప్రకారం అతనికి జరిమానా విధించాను. అందుకు నిరాకరించిన అతను శరీరంపై ప్రెటోల్ పోసుకొన్నాడు. అగ్గిపుల్ల వెలిగించి చచ్చిపోతానంటూ రోడ్డుపై వీరంగం సృష్టించాడు. తక్షణమే అతడిని అడ్డుకొని పోలీసులకు అప్పగించాను."
-రాజేశ్ కుమార్, ట్రాఫిక్ పోలీసు ఇన్స్పెక్టర్
సత్యం వాదన మరోలా ఉంది. తనను పోలీసులు కావాలనే వేధిస్తున్నారని ఆరోపించాడు.
"నేను హెల్మెట్ ధరించటం మర్చిపోయాను. అందుకు ట్రాఫిక్ పోలీసులు రూ.2000 జరిమానా విధించారు. నేను అంత కట్టలేనని, తొందరపాటులో హెల్మెట్ ధరించటం మర్చిపోయానని ప్రాధేయపడ్డాను. అయినా పోలీసులు నాకు జైలు శిక్ష పడుతుందని బెదిరించారు. అందుకని నేను బలవన్మరణానికి యత్నించాను."
-సత్యం సిన్హా, బైక్ చోదకుడు
ఇదీ చూడండి : అంతర్జాతీయ సమస్యలపై మోదీ, జిన్పింగ్ చర్చ
