'శాస్త్రీయ రంగంలో యువతను ఆకర్షించడమే పెద్ద సవాల్​'

శాస్త్రీయ రంగంలో యువతను ఆకర్షించడమే అతిపెద్ద సవాల్ అని ప్రధాని నరేంద్ర మోదీ అన్నారు. శాస్త్ర, సాంకేతిక, ఆవిష్కరణ రంగాల్లో భారత్​లో గొప్ప వారసత్వం ఉందని పేర్కొన్నారు. ఇండియా ఇంటర్నేషన్​ సైన్స్​ ఫెస్టివల్​ ప్రారంభోత్సవంలో వర్చువల్​గా పాల్గొన్నారు మోదీ. శాస్త్రీయ విద్యకు అత్యంత విశ్వాసవంతమైన దేశంగా భారత్​ ఎదగాలని ఆకాంక్షించారు.

భారత్​లో శాస్త్ర, సాంకేతిక, ఆవిష్కరణలకు గొప్ప వారసత్వం ఉందని చెప్పారు ప్రధాన మంత్రి నరేంద్ర మోదీ. నాణ్యమైన యువతను ఆకర్షించడం, కాపాడుకోవడమే శాస్త్రీయ రంగంలో అతిపెద్ద దీర్ఘకాల సవాల్​ అని తెలిపారు. ఇండియా ఇంటర్నేషనల్​ సైన్స్​ ఫెస్టివల్​(2020) ప్రారంభోత్సవానికి ప్రధాని వర్చువల్​గా హాజరయ్యారు.

శాస్త్రీయ అభ్యాసానికి అత్యంత విశ్వాసవంతమైన దేశంగా భారత్ ఎదగాలని మోదీ ఆకాంక్షించారు. భారత్​లో ఆవిష్కరణలు, పెట్టుబడులకు ప్రపంచ దేశాలు ముందుకు రావాలని పిలుపునిచ్చారు. ఎలాంటి సవాల్​నైనా ఎదుర్కొనేందుకు ప్రభుత్వం సిద్ధంగా ఉందని, దేశంలో పరిశోధనా వసతులను మెరుగుపరిచేందుకు అవసరమైన చర్యలు చేపడుతుందని హామీ ఇచ్చారు.