భారత్లో జరుగుతున్న పరిశోధనలు, భారీ స్థాయిలో టీకా తయారీ ప్రయత్నాలు కొవిడ్-19 నివారణలో ఎంతో కీలకమైనవని మైక్రోసాఫ్ట్ సంస్థ సహవ్యవస్థాపకులు, భూరి విరాళాల దాత బిల్ గేట్స్ అన్నారు. సోమవారం గ్రాండ్ ఛాలెంజెస్ వార్షిక సమావేశాన్ని ఉద్దేశించి ఆయన ప్రసంగించారు. టీకా తయారీ, కరోనా సోకినట్లు నిర్ధారించే ప్రక్రియలు క్లిష్టమైనవని తెలిపారు.
కొవిడ్-19పై పోరులో భారత్ కృషి కీలకం: బిల్ గేట్స్
కరోనాపై పోరులో భారత్ చేస్తోన్న కృషి కీలకమైందని మైక్రోసాఫ్ట్ సంస్థ సహవ్యవస్థాపకులు బిల్గేట్స్ అన్నారు. గ్రాండ్ ఛాలెంజెస్ వార్షిక సమావేశాన్ని ఉద్దేశించి పలు వ్యాఖ్యలు చేశారు బిల్ గేట్స్.
కొవిడ్-19పై పోరులో భారత్ కృషి కీలకం: బిల్ గేట్స్
ప్రపంచవ్యాప్తంగా శాస్త్రవేత్తలు కొవిడ్కు టీకా చేసే యత్నాల్లో నిమగ్నమయ్యారని, ఈ పెనుసవాల్ను ఎదుర్కోవడానికి వారంతా పరస్పరం సహకరించుకుంటున్నారని చెప్పారు. గతంలో ఎన్నడూ లేని విధంగా ఔషధ కంపెనీలు కూడా ఒకదానికొకటి చేయూతను అందించుకుంటున్నాయని అన్నారు. మరింత సులభంగా కరోనాను నిర్ధారించే కిట్లు అందుబాటులోకి రావాల్సిన అవసరం ఉందని చెప్పారు.