భగత్​సింగ్​కు పాకిస్థానీ అభిమానుల నివాళి

స్వాతంత్ర్య సమరయోధులు భగత్ సింగ్, రాజ్​గురు, సుఖ్​దేవ్​లకు భారత్​లోనే కాదు పాకిస్థాన్​లో పెద్ద ఎత్తున నివాళులు అర్పించారు అభిమానులు. వారి 88 వర్థంతి సందర్భంగా లాహోర్​ కేంద్రంగా పని చేస్తున్న భగత్​ సింగ్​ మెమోరియల్​ ఫౌండేషన్​ కొవ్వొత్తుల ప్రదర్శనను నిర్వహించింది.

భారత స్వాతంత్ర్య సమరయోధులు భగత్ సింగ్​, రాజ్​గురు, సుఖ్​దేవ్​ల 88వ వర్ధంతి సందర్భంగాపాకిస్థాన్​లోని లాహోర్​లో కొవ్వొత్తుల ప్రదర్శన జరిగింది. ఈ కార్యక్రమాన్ని లాహోర్​ కేంద్రంగా ఉన్న భగత్​ సింగ్ మెమోరియల్​ ఫౌండేషన్​ నిర్వహించింది.

ప్రస్తుతం భారత్​-పాక్​ల మధ్య నెలకొన్న ఉద్రిక్తతల కారణంగా ఈ కార్యక్రమానికి పోలీసులు భారీ భద్రతను ఏర్పాటు చేశారు.

ముగ్గురు యోధుల త్యాగాలను, పోరాట పటిమను గుర్తుచేసుకున్నారు అక్కడి అభిమానులు. ఇరు దేశాల మధ్య శాంతి నెలకొనాలని ఆకాంక్షించారు.

ఇటీవల న్యూజిలాండ్​ మారణహోమంలో మృతి చెందిన వారి ఆత్మ శాంతికి మౌనం పాటించారు.

ఆంగ్లేయులపై తిరుగుబాటు కారణంగా 1931 మార్చి 23న భగత్​ సింగ్​ను ఉరి తీసింది అప్పటి బ్రిటీష్​ ప్రభుత్వం. అప్పుడు ఆయన వయస్సు 23 ఏళ్లు.

భగత్​ సింగ్​తో పాటు రాజ్​గురు, సుఖ్​దేవ్​లను కూడా అదే రోజు ఉరితీసింది. అప్పట్లో ఈ ఘటన వేలాది మందిని ప్రభావితం చేసి ఉద్యమం వైపు నడిపించింది.