కరోనా వైరస్​ను న్యూట్రలైజ్​ చేసే పరికరం

బెంగళూరుకు చెందిన డీ స్కేలిన్​ సంస్థ.. కరోనా వైరస్​ను న్యూట్రలైజ్ (తటస్థం)​ చేసే ఓ పరికరాన్ని అభివృద్ధి చేసింది. దీనికి షైకకాన్​ అని పేరు పెట్టింది. త్వరలోనే దీనిని తయారు చేసి అమెరికా, ఐరోపా దేశాలకు పంపిచనుంది.

కరోనా వైరస్​ను తటస్థీకరించే ఓ పరికరాన్ని అభివృద్ధి చేసింది బెంగళూరుకు చెందిన డీ స్కేలిన్​ సంస్థలోని సెంటర్​ ఫర్​ అడ్వాన్స్​డ్​ రీసర్చ్​ అండ్​ డెవలప్​మెంట్ ​(సీఏఆర్​డీ). అయితే ఈ 'షైకకాన్​'(స్కేలిన్​ హైపర్​చార్జ్​ కరోనా కానాన్​) పరికరం.. ఏ బ్యాక్టీరియాను, ఫంగస్​ను చంపదని, కానీ కరోనా వైరస్​ కణాలను మాత్రం న్యూట్రలైజ్​ చేస్తుందని డీ స్కేలిన్​ ఛైర్మన్​ డా. రాజా విజయ్​​ కుమార్​ తెలిపారు.

"ఈ పరికరానికి సంబంధించి భద్రత, సమర్థతపై పరీక్షలు జరిగాయి. త్వరలోనే దీనిని తయారు చేసి.. యూఎస్​ఎఫ్​డీఏ కింద అమెరికాకు, అనంతరం ఐరోపాకు మార్కెట్​ చేస్తాం."

--- డా. రాజా, డీ స్కేలిన్​ ఛైర్మన్​.

ఈ పరికరాన్ని గృహాలు, పరిశ్రమలు, వాణిజ్య సముదాయాల్లో వాడుకోవచ్చు. దీని పరిమాణం 10వేల క్యూబిక్​ అడుగులు. ఏ రసాయనాలను ఇది ఉపయోగించదు. అందువల్ల ఓజోన్​ పొరకు ఇది ఏ మాత్రం నష్టం జరగనివ్వదు.

ఇదీ చూడండి:-నూతన విద్యా విధానంతో ఆ పాఠశాలల్లో ఉదయం అల్పాహారం!