మోదీకి మట్టి రసగుల్లలు పంపుతాం: మమత

ప్రధాన మంత్రి నరేంద్ర మోదీకి ఈసారి బంగాల్​ నుంచి మట్టితో చేసిన రసగుల్ల మిఠాయిలు పంపుతామని వ్యంగాస్త్రాలు సంధించారు తృణమూల్ అధినేత్రి మమతా బెనర్జీ. దీదీ తనకు మిఠాయిలు, కుర్తాలు పంపుతారని మోదీ ఇటీవలే తెలిపారు.  ఆ విషయంపై రానీగంజ్​ ఎన్నికల ర్యాలీలో స్పందించారు మమత బెనర్జీ.

నరేంద్ర మోదీ లాంటి కనీస ప్రమాణాలు పాటించని ప్రధానిని ఇప్పటి వరకు చూడలేదని మండిపడ్డారు పశ్చిమ బంగ ముఖ్యమంత్రి, తృణమూల్​ అధినేత్రి మమతా బెనర్జీ. మిఠాయిలు, కుర్తాలు పంపిన విషయాలను కూడా మోదీ రాజకీయం చేస్తున్నారని విమర్శించారు. బంగాల్​లో​ రానీగంజ్​ ఎన్నికల ప్రచారంలో పాల్గొన్నారు మమత. ఈ సందర్భంగా మోదీపై ధ్వజమెత్తారు.

"బంగాల్ నుంచి రసగుల్లలు పంపుతారని మోదీ చెబుతున్నారు. ఈ సారి ప్రత్యేకంగా మట్టితో చేసిన రసగుల్లలు పంపుతాం. లడ్డులో కాజు, బాదం ఉన్నట్లుగా వీటిలో రాళ్లుంటాయి. అవి తింటే ఆయన పళ్లు విరుగుతాయి."
-మమతా బెనర్జీ, బంగాల్ ముఖ్యమంత్రి

ఇదీ చూడండి: తండ్రి కాంగ్రెస్​కు​.... తనయుడు భాజపాకు....!