'రైతు పోరుపై నిజాలు తెలుసుకొని మాట్లాడండి'

పాప్​ సింగర్​ రిహానా, పర్యావరణ ఉద్యమకారిణి గ్రెటా థన్​బర్గ్​ వంటి విదేశీ ప్రముఖులు రైతుల ఆందోళనల విషయంలో చేసిన వ్యాఖ్యలపై భారత విదేశీ వ్యవహారాల శాఖ స్పందించింది. ఈ నిరసనలను భారత ప్రజాస్వామ్య విలువలు, రాజకీయ నేపథ్యంలోనే చూడాలని స్పష్టం చేసింది. సామాజిక మాధ్యమాల్లో సంచలనాత్మక హ్యాష్​ ట్యాగ్​లు, వ్యాఖ్యల్లో కచ్చితత్వం ఉండదని, బాధ్యతారాహిత్యంగా ఉంటాయని తెలిపింది.

సాగు చట్టాలకు వ్యతిరేకంగా రైతులు చేస్తున్న ఆందోళనల గురించి విదేశీ ప్రముఖులు చేసిన వ్యాఖ్యలపై భారత విదేశీ వ్యవహారాల శాఖ స్పందించింది. ఈ నిరసనలను భారత ప్రజాస్వామ్య విలువలు, రాజకీయ నేపథ్యంలోనే చూడాలని స్పష్టం చేసింది. రైతుల ఆందోళనలపై వ్యాఖ్యలు చేసే ముందు వాస్తవాలు తెలుసుకోవాలని సూచించింది.

సామాజిక మాధ్యమాల్లో సంచలనాత్మక హ్యాష్​ ట్యాగ్​లు, వ్యాఖ్యల్లో కచ్చితత్వం ఉండదని, బాధ్యతారాహిత్యంగా ఉంటాయని విదేశాంగ శాఖ తెలిపింది. ముఖ్యంగా ప్రముఖులకు ఇది ఎక్కువగా వర్తిస్తుందని పేర్కొంది.

పాప్​ సింగర్​​ రిహానా సహా పర్యావరణ ఉద్యమకారిణి గ్రెటా థన్​బర్గ్​ వంటి ప్రముఖులు దిల్లీ సరిహద్దులో రైతుల ఆందోళనలకు మద్దతు ప్రకటిస్తూ ట్వీట్ చేసిన నేపథ్యంలో భారత్​ ఈ విధంగా స్పందించింది. తొందరపడి వ్యాఖ్యలు చేసేముందు వాస్తవాలేంటో అర్థం చేసుకోవాలని హితవు పలికింది.