వృక్షంపై ప్రేమతో : మర్రి చెట్టు చుట్టూ ఇల్లు

మధ్యప్రదేశ్​ జబల్​పుర్​లోని ఓ నాలుగంతస్తుల భవనం అందరినీ ఆకర్షిస్తోంది. అందుకు కారణం ఓ మర్రిచెట్టు చుట్టూ దానిని నిర్మించడమే.  వృక్షంపై ప్రేమతో యజమాని ఆ ఇంటిని అలాగే కట్టారు. ఆయన చనిపోయినా చెట్టులో తన తండ్రి ప్రతిరూపాన్ని చూసుకుంటున్నామంటున్నారు ఆయన కూతురు అల్పన.

చిన్న చిన్న కారణాలతోనే చెట్లను ఇష్టమొచ్చినట్టు నరికివేస్తున్న కాలంలో.. ఓ వ్యక్తి వృక్షంపై ప్రేమతో దాని చుట్టే ఇంటిని నిర్మించుకున్నారు. ఇంటి మధ్యలో ఉన్న ఆ మర్రి చెట్టు కొమ్మలు గోడలపై అంతటా వ్యాపించాయి. కొమ్మలను కూడా నరకకుండానే ఆ నాలుగంతస్తుల భవనాన్ని నిర్మించుకొని పర్యావరణంపై ప్రేమను చాటారు ఆ వ్యక్తి. మధ్యప్రదేశ్​లోని జబల్​పుర్​లో ఉందీ మర్రిచెట్టు గృహం. ఇంటిని నిర్మించింది మోతీలాల్​ కేశర్వాణి.

వృక్షాలను ప్రాణంగా భావించే మోతీలాల్​ కేశర్వాణి ఎంతో ప్రేమగా ఈ ఇల్లును కట్టారు. ఆయన చనిపోయి కొద్దికాలమైంది. ఆయన కుటుంబ సభ్యులు ఇప్పటికీ ఈ ఇంటిని సర్వస్వంగా భావిస్తున్నారు.

తన తండ్రి భౌతికంగా లేకపోయినా మర్రిచెట్టు రూపంలో జీవించే ఉన్నారని చెబుతున్నారు మోతీలాల్​ కూతురు అల్పన. ఆయనలాగే తమ కుటుంబ సభ్యులంతా చెట్లను ప్రేమిస్తామని తెలిపారు.

ఇదీ చూడండి: కేరళలో నిఫా వైరస్‌ కలకలం