'అత్యాచారం బాధితురాలి కుటుంబంలో ఒకరికి ఉద్యోగం'

ఉత్తర్​ప్రదేశ్​ బలరాంపుర్​ జిల్లాలో అత్యాచార ఘటనలో ప్రాణాలు కోల్పోయిన యువతి కుటుంబానికి రాష్ట్ర ప్రభుత్వం అండగా నిలిచింది. బాధితురాలి కుటుంబానికి ఓ ప్లాటు, కుటుంబంలో ఒకరికి ఉద్యోగం ఇస్తామని భరోసా ఇచ్చింది.

ఉత్తర్​ప్రదేశ్​ బలరాంపుర్​ జిల్లాలో అత్యాచారానికి గురై, ప్రాణాలు కోల్పోయిన యువతి కుటుంబానికి ఆ రాష్ట్ర ప్రభుత్వం సాయం చేయనుంది. బాధితురాలు కుటుంబానికి ఓ ప్లాటు, కుటుంబంలో ఒకరికి ఉద్యోగం ఇవ్వనుంది. ఈ మేరకు బాధితురాలు కుటుంబాన్ని కలిసిన స్థానిక ఎమ్మెల్యే పాల్​తురామ్​ భరోసా ఇచ్చారు. ఇప్పటికే ఆ కుటుంబానికి రూ. 6,18,750 ఆర్థిక సాయం చేయగా.. మరో రూ.2 లక్షల అందజేయనున్నట్లు తెలిపారు. ఈ అమానవీయ ఘటనకు పాల్పడిన వారికి కఠిన శిక్షపడేలా చర్యలు తీసుకుంటామని హామీనిచ్చారు.

ఇదీ జరిగింది..

కళాశాలలో అడ్మిషన్​ కోసం వెళ్లిన 22ఏళ్ల యువతిని కొందరు దుండగులు అపహరించి.. సామూహిక అత్యాచారానికి పాల్పడ్డారు. అనంతరం ఆ యువతి ప్రాణాలు కోల్పోయింది. బాధితురాలు తల్లి ఫిర్యాదు మేరకు కేసు నమోదు చేసిన పోలీసులు.. నిందితులను అరెస్టు చేశారు.

ఇదీ చూడండి:యూపీ​లో ఘోరం.. మరో రెండు 'నిర్భయ' ఘటనలు