భువనేశ్వర్​లో 'ఫొని' పుట్టింది!

ఒడిశాలో ఫొని తుపాను  బీభత్సం సృష్టించిన రోజే ఆడ బిడ్డకు జన్మనిచ్చింది ఓ రైల్వే ఉద్యోగిని. భువనేశ్వర్ సమీపంలోని​ రైల్వే ఆసుపత్రిలో ప్రసవించింది. తుపాను తీరం దాటిన రోజు పుట్టినందుకు శిశువుకు 'ఫొని' అని పేరు పెట్టారు తల్లిదండ్రులు.

ఒడిశాలో బీభత్సం సృష్టించింది ఫొని తుపాను. సరిగ్గా అదే సమయంలో భువనేశ్వర్​ సమీపంలోని మంచేశ్వర్​ రైల్వే ఆసుపత్రిలో ఉదయం 11: 03గంటలకు ఓ మహిళ ప్రసవించింది. నవజాత శిశువుకు 'ఫొని' అని నామకరణం చేశారు తల్లిదండ్రులు. తుపాను తీరం దాటిన రోజే పుట్టినందున ఆడబిడ్డకు ఆ పేరు పెట్టారు. తల్లీబిడ్డలు క్షేమంగా ఉన్నట్లు వైద్యులు తెలిపారు.

ఫొని తుపాను ధాటికి ఆసుపత్రి కొంత మేర ధ్వంసమైంది. అయినప్పటీకీ వైద్యులు జాగ్రత్తగా వైద్యం అందించారు.

ఇదీ చూడండి:ఫొని తక్షణ సాయంగా రూ. 1000 కోట్లు: మోదీ