అయోధ్య రామ జన్మభూమి-బాబ్రీ మసీదు భూవివాదం కేసులో సుప్రీం కోర్టు తీర్పు వెలువరించనున్న నేపథ్యంలో భద్రతాపరమైన చర్యలు చేపట్టింది ఉత్తర్ప్రదేశ్ ప్రభుత్వం. ఈ చర్యల్లో భాగంగా లఖ్నవూ, అయోధ్యలో అత్యవసర పరిస్థితుల కోసం రెండు హెలికాప్టర్లను అందుబాటులో ఉంచనున్నట్లు తెలిపారు ముఖ్యమంత్రి యోగి ఆదిత్యనాథ్.
తీర్పు నేపథ్యంలో ఏదైన అత్యవసర పరిస్థితి నెలకొన్న తరుణంలో ఈ హెలికాప్టర్లను వినియోగిస్తారు.
రాష్ట్ర ఉన్నత స్థాయి అధికారులు, పోలీసులు, డివిజనల్ కమిషనర్లు, జిల్లా మేజిస్ట్రేట్లతో గురవారం రాత్రి వీడియో కాన్ఫరెన్స్ నిర్వహించిన సందర్భంగా ఈ విషయాన్ని వెల్లడించారు ముఖ్యమంత్రి. జిల్లాలో శాంతిభద్రతల పరిస్థితులపై సమీక్షించారు. సాధారణ పరిస్థితులు తీసుకురావడానికి తీసుకోవాల్సిన చర్యలపై అధికారులకు సూచనలు చేశారు. శాంతిభద్రతలకు విఘాతం కలిగించే వారిపై కఠిన చర్యలు తీసుకుంటామని హెచ్చరించారు.