కేంద్రంలో అధికారంలో ఉన్న ఎన్డీఏకు కొద్దికాలంగా మిత్రపక్షాలు దూరమవుతూ వస్తున్నాయి. తాజాగా కేంద్ర మంత్రి పాసవాన్ మృతితో ప్రధాన మంత్రి నరేంద్ర మోదీ ప్రభుత్వంలో.. మిత్రపక్షాల నుంచి ఒక్క మంత్రే మిగిలారు. అది రిపబ్లికన్ పార్టీ ఆఫ్ ఇండియాకు చెందిన రాందాస్ అథవాలే.
రాందాస్ అథవాలే, కేంద్ర మంత్రి అయితే.. కేంద్ర కేబినెట్లో భాజపా మిత్రపక్షాలేవీ ఇప్పుడు లేవు. అథవాలే.. కేంద్ర సామాజిక న్యాయం, సాధికారత శాఖ సహాయ మంత్రిగా ఉన్నారు.
2019లో భాజపా నేతృత్వంలోని ఎన్డీఏ కూటమి వరుసగా రెండోసారి అధికారంలోకి వచ్చిన అనంతరం.. మిత్రపక్షాల నుంచి అర్వింద్ సావంత్(శివసేన), హర్సిమ్రత్ కౌర్ బాదల్(శిరోమణి అకాలీ దళ్), రామ్ విలాస్ పాసవాన్(లోక్ జన్శక్తి పార్టీ)లకు కేంద్ర కేబినెట్లో చోటు దక్కింది.
ఒక్కొక్కరుగా బయటకు..
2019 చివర్లో శివసేన ఎన్డీఏ కూటమి నుంచి బయటకు వచ్చింది. ఇటీవల కేంద్ర ప్రభుత్వం తీసుకొచ్చిన వ్యవసాయ చట్టాలపై ఆగ్రహంతో శిరోమణి అకాలీ దళ్ కూడా తెగదెంపులు చేసుకుంది. మరో ఎన్డీఏ మిత్రపక్షం జనతాదళ్(యునైటెడ్) కేంద్ర ప్రభుత్వంలో భాగంగా లేదు.
ఇదీ చూడండి:ఎన్డీఏతో అకాలీదళ్ తెగదెంపులు-కూటమి నుంచి క్విట్
ప్రధాన మంత్రి నరేంద్ర మోదీతో పాటు మొత్తం 57 మంది 2019 మే 30న కేంద్ర మంత్రులుగా ప్రమాణం చేశారు. ఇందులో 24 మందికి కేబినెట్ హోదా ఉంది. వీరిలో సావంత్, బాదల్ రాజీనామా చేశారు. అక్టోబర్ 8న పాసవాన్ మృతిచెందారు. ఇప్పుడు కేబినెట్లో 21 మంది మంత్రులు మాత్రమే మిగిలారు. అందులో రాందాస్ అథవాలే మిత్రపక్షాల ఏకైక ప్రతినిధిగా ఉన్నారు.
ఇదీ చూడండి: పాసవాన్ మృతితో బిహార్ ఎన్నికలపై భారీ ప్రభావం!
