యూపీలో గాలి దుమారానికి 19 మంది బలి

ఉత్తర్​ప్రదేశ్​లో ఉరుములు, మెరుపులతో కూడిన గాలి దుమారం విధ్వంసం సృష్టించింది. ఈదురు గాలులకు తోడు పిడుగుపాటుతో పలు ప్రాంతాల్లో 19 మంది మృతి చెందారు. 48 మంది తీవ్రంగా గాయపడ్డారు. వందల సంఖ్యలో ఇళ్లు ధ్వంసమయ్యాయి. భారీ వృక్షాలు నేలకొరిగాయి.

గాలి దుమారానికి ఉత్తర్​ప్రదేశ్​ అతలాకుతలమైంది. ఉరుములు, మెరుపులతో కూడిన గాలి దుమారానికి రాష్ట్రవ్యాప్తంగా పలు ప్రాంతాల్లో సుమారు 19 మంది మరణించారు. 48 మంది తీవ్రంగా గాయపడ్డారని రాష్ట్ర విపత్తు నిర్వహణాధికారి తెలిపారు.

"మైన్​పురీలో ఆరుగురు మృతి చెందారు. గాలి దుమారం కారణంగా ఎటా​, కాస్​గంజ్​ ప్రాంతాల్లో ముగ్గురి చొప్పున మరణించారు. మొరాదాబాద్​, బదాయూ, పీలీభీత్​​, మథుర, కన్నౌజ్​, సంభల్​, ఘజియాబాద్​ ప్రాంతాల్లో ఒకరు చొప్పున పిడుగుపాటుకు చనిపోయారు. "

- విపత్తు నిర్వహణ కమిషనర్​

గురువారం సాయంత్రం రాష్ట్రంలోని పలు ప్రాంతాల్లో గాలి దుమారం చెలరేగింది. గాలుల ధాటికి పెద్ద సంఖ్యలో ఇళ్లు ధ్వంసమయ్యాయి. భారీ వృక్షాలు నేలకొరిగాయి. మైన్​పురీలోనే అత్యధికంగా 41 మంది గాయపడ్డారు.

ఈ ఘటనలో పదుల సంఖ్యలో పశువులూ మృత్యువాత పడ్డాయని తెలిపారు అధికారులు.

గాలుల ధాటికి ప్రభావితమైన ప్రజలకు అవసరమైన సహాయక చర్యలు అందించాలని అధికారులను ఆదేశించారు రాష్ట్ర ముఖ్యమంత్రి యోగి ఆదిత్యనాథ్​.

ఇదీ చూడండి: 10వేలు అప్పు కట్టలేదని చిన్నారి హత్య