దేశంలో జూన్ నెలలో 3.33 శాతంగా ఉన్న కొవిడ్‌ మరణాల రేటు ప్రస్తుతం 2.15 కు చేరుకున్నట్లు కేంద్రం వెల్లడించింది. ప్రస్తుతం 5 లక్షల 65 వేల 103 మంది బాధితులు చికిత్స పొందుతుండగా, రోజుకు సగటున 30 వేల మంది వైరస్‌ నుంచి కోలుకుంటున్నారు. రికవరీ రేటు 64.53 శాతంగా ఉన్నట్లు ఆరోగ్య శాఖ తెలిపింది. దేశంలో వెయ్యి 488 కొవిడ్‌ ఆసుపత్రుల్లో 2 లక్షల 49 వేల 358 ఐసోలేషన్‌, 31 వేల 639 ఐసీయూ, లక్షా 9 వేల 119 ఆక్సిజన్‌ పడకలు, 16 వేల 678 వెంటిలేటర్లు అందుబాటులో ఉన్నట్లు వివరించింది.
విలయంలో ఉపశమనం- తగ్గుతున్న మరణాల రేటు - covid-19 pandemic updates
భారత్లో కరోనా మరణాల రేటు తగ్గుతున్నట్లు కేంద్రం వెల్లడించింది. జూన్లో 3.33 శాతం ఉండగా ప్రస్తుతం 2.15 శాతానికి చేరుకున్నట్లు పేర్కొంది. రోజుకు సగటున 30 వేల మంది వైరస్‌ నుంచి కోలుకుంటున్నారని తెలిపింది. కరోనాను ఎదుర్కొనేందుకు అవసరమైన ఏర్పాట్లతో సిద్ధంగా ఉన్నట్లు స్పష్టం చేసింది.
దేశంలో తగ్గుతున్న కరోనా మరణాలు రేటు
కరోనాను ఎదుర్కొనేందుకు 2 కోట్ల 73 లక్షల 85 వేల ఎన్ 95 మాస్కులు సహా.. కోటి 21 లక్షల 5 వేల పీపీఈ కిట్లు, 10 కోట్ల 83 లక్షల హైడ్రాక్సీక్లోరోక్విన్‌ మాత్రలను రాష్ట్రాలకు, కేంద్రపాలిత ప్రాంతాలకు సరఫరా చేసినట్లు కేంద్ర ఆరోగ్య మంత్రిత్వ శాఖ పేర్కొంది.
ఇదీ చూడండి: భాజపాలో సంస్థాగత మార్పులు- వారికే కీలక బాధ్యతలు!