కిరాతకం: స్నేహితుడ్ని చంపి వీడియో షేర్​

కేరళలో అత్యంత క్రూరంగా ప్రవర్తించాడు ఓ వ్యక్తి. స్నేహితుడు, బంధువును కత్తితో నరికి చంపి.. ఆ వీడియోను సామాజిక మాధ్యమాల్లో షేర్ చేశాడు. అనంతరం ఆత్మహత్యకు ప్రయత్నించాడు.

కేరళ కొల్లాం జిల్లాలో ఓ వలస కూలీ అబ్దుల్​ అలీ అత్యంత కిరాతకంగా ప్రవర్తించాడు. సమీప బంధువు జలాలుద్దీన్​, మరో స్నేహితుడిని కత్తితో నరికి చంపాడు. ఆపై వారి వీడియోలను సామాజిక మాధ్యమాల్లో పోస్ట్​ చేశాడీ కిరాతకుడు.

ఉదయం సమయంలో గేటుకు తాళాలు వేసిన అలీ.. గదిలో ఉన్న స్నేహితుడు, బంధువుపై కత్తితో దాడి చేశాడు. వారి అరుపులు విని వచ్చిన ఇద్దరు వ్యక్తులను కత్తితో బెదిరించటం వల్ల వారు భయపడి పారిపోయారు.

ఆపై ఆత్మహత్యకు..

ఆ తర్వాత రక్తపు మడుగులో పడి ఉన్న స్నేహితుడిని చూపిస్తూ సామాజిక మాధ్యమాల్లో లైవ్​ వీడియో షేర్​ చేశాడు. అనంతరం తానూ గొంతు కోసుకుని ఆత్మహత్యకు ప్రయత్నించాడు.

అప్పటికే అక్కడికి చేరుకున్న పోలీసులు, స్థానికులు.. అలీని ఆసుపత్రికి తరలించారు. అతడు కోలుకున్నాక విచారణ ప్రారంభిస్తామని పోలీసులు తెలిపారు. అలీ అసోం నుంచి కొల్లాంకు వలస వచ్చినట్లు గుర్తించారు పోలీసులు.