స్వాతంత్ర్య వేడుకల వేళ... కశ్మీర్​లో భద్రత కట్టుదిట్టం

భారత్​-పాక్​ నియంత్రణ రేఖ వద్ద సైన్యం గస్తీని కట్టుదిట్టం చేసింది. అంతర్జాతీయ సరిహద్దులు, సున్నితమైన ప్రాంతాల్లో బీఎస్​ఎఫ్​ పహారాను పెంచింది. భారత స్వాతంత్ర్య దినోత్సవం సందర్భంగా ఎలాంటి అవాంఛనీయ ఘటనలు చోటుచేసుకోకుండా సైన్యం నిఘా కాస్తోంది.

స్వాతంత్ర్య వేడుకల సందర్భంగా భారత్​-పాక్ నియంత్రణ రేఖ వద్ద భద్రతను మరింత కట్టుదిట్టం చేశారు అధికారులు. అంతర్జాతీయ సరిహద్దులు, సున్నితమైన ప్రాంతాల్లో నిఘాను మరింత పెంచింది బీఎస్​ఎఫ్​.

కశ్మీర్​లో పటిష్ఠ భద్రత

జమ్ము-కశ్మీర్​లో 73వ స్వాతంత్ర్య దినోత్సవ వేడుకల సందర్భంగా ఎలాంటి అవాంఛనీయ ఘటనలు జరుగకుండా పోలీసులు భద్రతను పటిష్ఠం చేశారు. ఈ ప్రాంతంలో అంతర్జాల​, టెలీకమ్యూనికేషన్​ సేవలను నిలిపివేశారు. రైల్వే స్టేషన్ల వద్ద పహారాను పెంచారు.

"కశ్మీర్​ లోయలో పరిస్థితి ప్రశాంతంగా ఉంది. అయినప్పటికీ స్వాతంత్ర్య దినోత్సవం సందర్భంగా కొన్ని ఆంక్షలు మాత్రం ఉంటాయి."
-రోహిత్ కాన్సల్​, జమ్ము-కశ్మీర్​ ప్రధాన కార్యదర్శి

జమ్ము-కశ్మీర్​కు ప్రత్యేక హోదానిచ్చే ఆర్టికల్ 370 రద్దు, రాష్ట్రాన్ని రెండు కేంద్రపాలిత ప్రాంతాలుగా విభజించిన తరువాత జరుగుతున్న మొదటి స్వాతంత్ర్య దినోత్సవ వేడుకలైనందున పటిష్ఠ భద్రతను ఏర్పాటు చేశారు.

వాస్తవ పరిస్థితి వేరు..

ప్రఖ్యాత ఆర్థికవేత్త జీన్​ డ్రేజ్​, సామాజిక కార్యకర్తలు మైమూనా మొల్లా, కవితా కృష్ణన్​, విమల్​ భాయ్ ఆగస్టు 9 నుంచి శ్మీర్​లో పర్యటించారు. కశ్మీర్​లో ప్రభుత్వం చెబుతున్న దానికి చాలా భిన్నమైన పరిస్థితులు ఉన్నాయని వారు తెలిపారు. వాస్తవ పరిస్థితి చాలా ఉద్రిక్తంగా ఉందంటూ వారు ఓ నివేదికను విడుదల చేశారు.

"కశ్మీర్​లో ప్రజలు వారి గృహాల్లోనే బందీలుగా ఉన్నారు. కమ్యునికేషన్ సౌకర్యాలు లేకుండా ప్రభుత్వం కట్టడిచేసింది. వీధులు ఎడారుల్లా నిర్మానుష్యంగా ఉన్నాయి."- విమల్​, సామాజిక కార్యకర్త

ఈ సామాజిక కార్యకర్తల నివేదికపై ప్రభుత్వ అధికార ప్రతినిధులు ఎలాంటి వ్యాఖ్యలు చేయలేదు.

ఇదీ చూడండి: భారత్​దే సిరీస్​.. కోహ్లీ ఖాతాలో మరో సెంచరీ