'ఇకనైనా సాగు చట్టాలను వెనక్కి తీసుకోండి'

నూతన వ్యవసాయ చట్టాలను వెంటనే రద్దు చేయాలని కేంద్ర సర్కారుకు మరోసారి విజ్ఞప్తి చేశారు కాంగ్రెస్ అగ్రనేత రాహుల్ గాంధీ. రైతులు చేపట్టిన ట్రాక్టర్​ ర్యాలీలో దిల్లీలోని ఎర్రకోట వద్ద హింసాత్మక ఘటనలు జరిగిన నేపథ్యంలో ట్విట్టర్​ ద్వారా అభ్యర్థించారు.

సాగు చట్టాలను వెంటనే వెనక్కి తీసుకోవాలని మోదీ సర్కారుకు మరోసారి విజ్ఞప్తి చేశారు కాంగ్రెస్​ అగ్రనేత రాహుల్ గాంధీ. జనవరి 26న రైతుల ట్రాక్టర్​ ర్యాలీలో హింసాత్మక ఘటనలు వెలుగుచూసిన నేపథ్యంలో ఈ మేరకు ట్వీట్​ చేశారు.

'సాగు చట్టాలను వెంటనే రద్దు చేయాలని కేంద్ర సర్కారుకు మరోసారి విజ్ఞప్తి చేస్తున్నాను' అంటూ హిందీలో ట్వీట్ చేశారు రాహుల్​. దీనికి 'విదేయతతో ఉంటూనే.. ప్రపంచాన్ని కదిలించొచ్చు ' అని మహాత్మా గాంధీ వ్యాఖ్యలను జోడించారు.

జనవరి 26న దిల్లీలోని పలు ప్రాంతాల్లో రైతులు, భద్రతా సిబ్బందికి మధ్య ఘర్షణ జరిగిన తరుణంలో.. 'హింసాత్మక ఘటనలతో సమస్యలు పరిష్కారం కావన్న రాహుల్​.. జాతీయ ప్రయోజనాల దృష్టిలో ఉంచుకుని చట్టాలను రద్దు చేయాలని మంగళవారం కోరారు.

ఇదీ చూడండి:'సిధుతో నాకు ఎలాంటి సంబంధాలు లేవు'