ప్రపంచంలోనే అత్యంత అధునిక యుద్ధ హెలికాప్టర్లు 'అపాచీ ఏహెచ్-64ఈ' భారత వాయుసేన అమ్ములపొదిలో చేరనున్నాయి. ఒప్పందంలో భాగంగా ఈ ఏడాది జులై 27న తొలి నాలుగు హెలికాప్టర్లను భారత్కు అందించింది అమెరికాకు చెందిన బోయింగ్ సంస్థ. వీటిని సెప్టెంబర్ 3న పంజాబ్ పఠాన్కోట్లోని భారత వైమానిక దళానికి అందించనున్నారు.
ఈ సందర్భంగా పఠాన్కోట్లో ప్రత్యేక కార్యక్రమం నిర్వహిస్తోంది వాయుసేన. ఎయిర్ చీఫ్ మార్షల్ బీఎస్ ధనోవా ముఖ్య అతిథిగా హాజరవుతున్నారు.
నాలుగేళ్ల తర్వాత..
22 అపాచీ ఛాపర్ల కొనుగోలుకు 2015 సెప్టెంబర్లో అగ్రరాజ్యంతో భారత వాయుసేన బిలియన్ డాలర్ల ఒప్పందం కుదుర్చుకుంది. 2017లో మరో 6 హెలికాప్టర్లతో పాటు ఆయుధ సామగ్రి కొనుగోలుకు రూ.4,168 కోట్ల ఒప్పందం చేసుకుంది రక్షణ శాఖ.
2020 నాటికి మొత్తం 22 అపాచీ హెలికాప్టర్లను భారత్ అమ్ములపొదిలో ఉంటాయి. 2018 జులైలోనే ఈ హెలికాప్టర్ల పరీక్షను విజయవంతంగా నిర్వహించింది భారత్. వీటిని నడిపేందుకు వాయుసేన బృందం అమెరికాలో శిక్షణ తీసుకుంటోంది.
ఇదీ చూడండి: జీడీపీ క్షీణతకు మోదీనే కారణం: కాంగ్రెస్