విద్యార్థుల ఆగ్రహం.. వసతి గృహంలో బీభత్సం

'బాలల సంరక్షణ కమిషన్'​ సభ్యుల ముందే విద్యార్థులు విధ్వంసం సృష్టించారు. ఉత్తర్​ప్రదేశ్​ రాయబరేలీలోని ఓ వసతి గృహంలో సమస్యలు వెంటనే తీర్చాలని డిమాండ్​ చేశారు విద్యార్థులు. మంచాలు, బల్లలను విరగ్గొట్టి ఆగ్రహం వ్యక్తం చేశారు.

ఉత్తర్​ప్రదేశ్​ రాయబరేలీలో సౌకర్యాలు లేవని ఆగ్రహించి విద్యార్థులు... బాలల పరిరక్షణ కమిషన్​ (చైల్డ్ ప్రొటెక్షన్ కమిషన్ )సభ్యురాలి ముందే వసతి గృహంలో విధ్వంసం సృష్టించి నిరసన తెలిపారు.

చక్ దౌహ్రాలోని ఈ బాలల వసతి గృహం తరచూ వార్తల్లో వినిపిస్తూనే ఉంటుంది. కొన్నిసార్లు అక్కడి పిల్లలు వార్డెన్​ను కొట్టడం, మరి కొన్నిసార్లు ఉపాధ్యాయులు విచక్షణా రహితంగా పిల్లలను కొట్టడం వంటి ఘటనలు ఇక్కడ జరుగుతూనే ఉంటాయి.

ఈ విషయమై దర్యాప్తు చేసేందుకు ఆ రాష్ట్ర బాలల సంరక్షణ కమిషన్ సభ్యురాలు సుచిత తివారీ వసతి గృహానికి చేరుకున్నారు. అకస్మాత్తుగా వసతి గృహం గందరగోళంగా మారింది. విద్యార్థులు హాస్టల్​లోని వస్తువులను ధ్వంసం చేయడం ప్రారంభించారు. సరైన సౌకర్యాలు కల్పించాలని నినాదాలు చేశారు. విద్యార్థులకు.. పోలీసులు నచ్చచెప్పి శాంతింపజేశారు.

ఇదీ చదవండి:ఎటు చూసినా కవలలు.. అయోమయంలో టీచర్లు!