పైలట్ చాకచక్యంతో తప్పిన 'పక్షి రాజు' ముప్పు
హరియాణాలో ఘోర ప్రమాదం తప్పింది. గాల్లోకి ఎగిరిన యుద్ధ విమానాన్ని పక్షి ఢీ కొని ఓ ఇంజిన్ పనిచేయకుండా పోయింది. చాకచక్యంగా వ్యవహరించిన పైలట్ విమానాన్ని సురక్షితంగా కిందకు దింపాడు.
భారత వైమానిక దళానికి చెందిన 'జాగ్వర్' యుద్ధ విమానానికి ఆకాశంలో పక్షి తగిలి ఇంజిన్ విఫలమైంది. వెంటనే తన చాకచక్యంతో అందులోని ఇంధన ట్యాంకును ఖాళీ చేశారు పైలట్. చిన్న చిన్న బాంబులు, సామగ్రిని కిందకు వదిలేసి విమానాన్ని తేలిక చేసే ప్రయత్నం చేశారు. ఇంజిన్ విఫలమైనప్పటికీ అంబాలా ఎయిర్ బేస్లో సురక్షితంగా కిందకు దింపారు. ఘటన స్థలానికి చేరిన అధికారులు పైలట్ను ఆసుపత్రికి తరలించారు. ఎయిర్ బేస్ సమీపంలో విమానం నుంచి పడిన చిన్న బాంబులను గుర్తించారు.