ఏకధాటిగా తబలా వాయించి గిన్నిస్​ రికార్డు

తబలాను నేర్పుతో వాయిస్తూ ఔరా అనిపిస్తున్నారు కర్ణాటకకు చెందిన చేతన్​ కుమార్. మహారాష్ట్రలో ఇటీవల జరిగిన ఓ కార్యక్రమంలో ఏకధాటిగా నాలుగు గంటల పాటు పలు రకాల ధ్వనులతో తబలా వాయించి గిన్నిస్​ రికార్డు సొంతం చేసుకున్నారు చేతన్.

భారత శాస్త్రీయ సంగీతంలో తబలా వాద్యం ప్రత్యేకం. ఈ పరికరం వాయించేందుకు ఎంతో నేర్పు, కృషి అవసరం. అలాంటి తబలాను అలవోకగా వాయిస్తూ ప్రత్యేక గుర్తింపు పొందారు కర్ణాటక వాసి చేతన్​ కుమార్​ హిమదర్​. ఆయన తబలా వాయిస్తుంటే ప్రేక్షకులు మంత్రముగ్ధులు అవ్వక తప్పదు.

గిన్నిస్​ రికార్డు

ఏటా రాష్ట్రంలో జరిగే హంపి, ధార్వాడ్​ వంటి అనేక ఉత్సవాల్లో పాల్గొంటారు చేతన్. మహారాష్ట్రలోని సోలాపుర్​లో ఇటీవల జరిగిన తాలా నినాద్​ కార్యక్రమంలో.. పలు రకాల ధ్వనులతో ఏకధాటిగా నాలుగు గంటల పాటు తబలా వాయించి చేతన్ గిన్నిస్​ రికార్డు నెలకొల్పారు.

విద్యార్థులకు శిక్షణనిస్తున్న చేతన్​

పండిట్​ రవిశంకర్​ వద్ద..

తబలాను వాయించడమే వృత్తిగా ఎంచుకున్న చేతన్.​. తొలుత డాక్టర్​ అరవింద్​ కుమార్​ వద్ద శిక్షణ పొందారు​. ఆ తర్వాత ఆర్ట్​ ఆఫ్​ లివింగ్​కు చెందిన రవిశంకర్​ గురూజీ ద్వారా తన విద్యకు తుది మెరుగులు దిద్దుకుని మరింత రాటుదేలారు చేతన్​. ఈ విద్యను పిల్లలకు ఉచితంగా నేర్పిస్తున్నారు చేతన్​.

ఇదీ చదవండి:గుడి సమీపంలో 1500 ఏళ్ల నాటి సొరంగం