కోల్​కతాలో 'షా'కు నిరసనలతో స్వాగతం

బంగాల్​ పర్యటనలో భాగంగా కేంద్ర హోంమంత్రి అమిత్​షా కోల్​కతా చేరుకున్నారు. ఈ నేపథ్యంలో సీఏఏకు వ్యతిరేకంగా విమానాశ్రయం ఎదుట ఆందోళనకారులు నిరసనలు చేపట్టారు. గో బ్యాక్​ అంటూ నినాదాలు చేశారు.

కోల్​కతాలో కేంద్రహోంమంత్రి అమిత్​ షాకు 'పౌర' నిరసన సెగ తగిలింది. నగరంలోని నేతాజీ సుభాష్​ చంద్రబోస్​ అంతర్జాతీయ విమానాశ్రయానికి చేరుకున్న ఆయనకు.. సీఏఏ(పౌరసత్వ చట్ట సవరణ) వ్యతిరేక నినాదాలతో స్వాగతం పలికారు నిరసనకారులు. వామపక్షం-కాంగ్రెస్​కు చెందిన వందలాది మంది నిరసనకారులు.. 'గో బ్యాక్'​ అంటూ నినాదాలు చేశారు. నల్ల జెండాలు పట్టుకొని నిరసన తెలిపారు.

ఈ నేపథ్యంలో పోలీసులు చర్యలు చేపట్టారు. ఎయిర్​పోర్టు ప్రవేశ ద్వారం వైపు ఆందోళనకారులు ప్రవేశించకుండా.. బారికేడ్లను ఏర్పాటు చేశారు

షాకు సత్కారం

పర్యటనలో భాగంగా షాహీద్ మినార్​ మైదానంలో షా ప్రసంగించనున్నారు. పార్లమెంటులో పౌరసత్వ చట్టాన్ని ఆమోదించినందుకు రాష్ట్ర భాజపా సభ్యులు ఆయనను సత్కరించనున్నారు. భాజపా జాతీయ అధ్యక్షుడు జేపీ నడ్డా ఈ కార్యక్రమంలో పాల్గొనున్నారు.