'అక్కడికి కేజ్రీవాల్​ వస్తే మాకు అభ్యంతరం లేదు'

దిల్లీలో ఆప్​​ ప్రభుత్వం ప్రారంభించిన సంతోష తరగతులను అగ్రరాజ్య ప్రథమ మహిళ మెలానియా ట్రంప్ రేపు సందర్శించనున్నారు. అయితే ఈ కార్యక్రమానికి దిల్లీ ముఖ్యమంత్రి​కి ఆహ్వానం అందలేదు. కానీ కేజ్రీవాల్​ హాజరైతే తమకు ఎలాంటి అభ్యంతరం లేదని స్పష్టం చేసింది అమెరికా రాయబార కార్యాలయం.

ఆప్‌ ప్రభుత్వం దిల్లీ పాఠశాలల్లో ప్రారంభించిన సంతోష తరగతులను మెలనియా ట్రంప్‌ సందర్శించే కార్యక్రమంలో పాల్గొనేందుకు దిల్లీ సీఎం అరవింద్‌ కేజ్రీవాల్‌, విద్యాశాఖ మంత్రి మనీశ్‌ సిసోడియాలకు అనుమతి లేకపోవడం చర్చనీయాంశమవుతోంది.

ఈ అంశంపై సిసోడియా స్పందిస్తూ.. మెలానియా రాక తమకు గర్వకారణమన్నారు. అమెరికా రాయబార కార్యాలయం వెలిబుచ్చిన ఆందోళనలను తాము గౌరవిస్తున్నట్లు తెలిపారు. మరోవైపు, అమెరికా రాయబార కార్యాలయం స్పందిస్తూ.. కేజ్రీ, సిసోడియా హాజరుపై తమకు అభ్యంతరం లేదంటూనే ఈ కార్యక్రమం రాజకీయపరమైనది కాదని వారు గుర్తించారని అభినందించింది.

ఇదీ చదవండి:నైపుణ్యం పెట్టుబడిగా పెట్టు.. ఆన్​లైన్​లోనే ఉపాధి పట్టు