మహా శివుడికి ప్రతిరూపమైన సహజసిద్ధ మంచు శివలింగాన్ని దర్శించుకునే అమర్నాథ్ యాత్ర ఈ ఏడాది జులై 21 నుంచి ప్రారంభం కానుందని ఆలయ వర్గాలు వెల్లడించాయి. ఆగస్టు 3వ తేదీ వరకు యాత్ర సాగనుంది.
అయితే.. మొత్తం 42 రోజులు కొనసాగనున్న యాత్ర లాక్డౌన్ కారణంగా ఈ సారి 14 రోజులకే పరిమితం కానుంది. ఈ మేరకు అమర్నాథ్ దేవాలయ బోర్డు అధికారులు వెల్లడించారు.
యాత్ర తొలి పూజను శుక్రవారం నిర్వహించనున్నారు. ఈ ఏడాది అమర్నాథ్ యాత్ర ఇప్పటికే ప్రారంభంకావాల్సి ఉండగా కరోనా వైరస్ కారణంగా దేశవ్యాప్తంగా లాక్డౌన్ విధించిన నేపథ్యంలో సాధ్యం కాలేదు. సాధువులను మినహాయించి 55 ఏళ్లు దాటిన భక్తులకు అమర్నాథ్ యాత్రకు అనుమతి లేదు.
వైరస్ లేకుంటేనే...
యాత్రలో పాల్గొనే ప్రతి భక్తుడు కరోనా వైరస్ లేదని వైద్య ధ్రువీకరణ పత్రాన్ని సమర్పించాల్సి ఉంటుంది. యాత్రను ప్రారంభించడానికి జమ్ముకశ్మీర్‌లో ప్రవేశించక ముందే ఈ పత్రం ఇవ్వాల్సి ఉంటుంది.
