'హాథ్రస్​'పై పోలీసులకు షాక్​​​.. అత్యాచారం జరిగినట్లు రిపోర్ట్​!​

ఉత్తర్​ప్రదేశ్​ హాథ్రస్​ హత్యాచార ఘటనలో పోలీసులకు షాక్​ తగిలింది. అసలు బాధితురాలిపై అత్యాచారం జరగలేదన్న పోలీసుల వాదనలకు విరుద్ధంగా మెడికో లీగల్​ నివేదిక వచ్చింది. బాధితురాలిపై అత్యాచారం జరిగినట్లు స్పష్టం చేసింది.

దేశవ్యాప్తంగా సంచలనం సృష్టించిన ఉత్తర్​ప్రదేశ్​లోని హాథ్రస్​ హత్యాచార ఘటన కీలక మలుపులు తిరుగుతోంది. అసలు బాధితురాలిపై అత్యాచారమే జరగలేదన్న పోలీసులకు షాక్​ తగిలింది. వారి వాదనకు విరుద్ధంగా మెడికో లీగల్​ నివేదిక వచ్చింది.

బాధితురాలు అత్యచారానికి గురైనట్లు అలీఘడ్​ ముస్లిం విశ్వవిద్యాలయానికి చెందిన జవహర్​లాల్​ నెహ్రూ వైద్య కళాశాల నివేదిక ఇచ్చింది.

వైద్య నివేదిక

యువతిపై అత్యాచారం జరగలేదని, తీవ్ర గాయాలతోనే ప్రాణాలు కోల్పోయినట్లు ఫోరెన్సిక్​ నివేదిక వెల్లడించిందని యూపీ ఏడీజీ (శాంతిభద్రతలు) ప్రశాంత్​ కుమార్​ గతంలో పేర్కొన్నారు. దీనిపై తీవ్ర విమర్శలు వచ్చాయి.

ఇదీ చూడండి:అత్యాచారం కాదు, హత్యే... హాథ్రస్​ కేసులో ట్విస్ట్